RAJJAK ALI

Rajjak Ali is a prominent quiz personality from Assam, India. He is known for his expertise in quizzing and has been instrumental in promoting quizzing culture in Northeast India. Here are some interesting facts about Rajjak Ali: # Achievements 1. *Founder of Moran Quiz Forum*: Rajjak Ali founded the Moran Quiz Forum, a renowned platform for quiz enthusiasts in Assam. 2. *Quiz Master*: He has conducted numerous quizzes, including state and national-level competitions. 3. *Author*: Rajjak Ali has written books on quizzing and general knowledge. # Contributions 1. *Promoting Quizzing Culture*: Rajjak Ali has played a significant role in promoting quizzing culture in Northeast India, particularly in Assam. 2. *Mentoring Quiz Enthusiasts*: He has guided and mentored many quiz enthusiasts, helping them improve their quizzing skills. 3. *Organizing Quiz Events*: Rajjak Ali has organized numerous quiz events, including the annual Moran Quiz Festival. # Recognition 1. *Respected Quiz Personality*: Rajjak Ali is widely respected in the quizzing community for his knowledge, expertise and contributions. 2. *Inspiration to Young Quiz Enthusiasts*: He has inspired many young quiz enthusiasts to take up quizzing as a hobby and pursue it seriously. Rajjak Ali's dedication to promoting quizzing culture and his expertise in the field have made him a beloved figure in the quizzing community. (Source- Meta)

মৰাণ কুইজ ক্লাৱৰ পৰা মৰাণ কুইজ ফ'ৰামলৈ আমাৰ দহবছৰীয়া যাত্ৰা(Our ten-year journey from Maran Quiz Club to Maran Quiz Forum)

মৰাণ কুইজ ক্লাৱৰ পৰা মৰাণ কুইজ ফ'ৰামলৈ আমাৰ দহবছৰীয়া যাত্ৰা আগকথা- ৯ বছৰ ২১ দিন মৰাণ কুইজ ক্লাৱৰ নামেৰে আমিবোৰে কুইজৰ পথাৰখনত শাৰীৰিক, মানসিক, অৰ্থ সমস্তখিনি কষ্ট অৰ্পণ কৰি বৃহত্তৰ মৰাণ অঞ্চলটোক অসম তথা দেশৰ কুইজৰ মানচিত্ৰত জাকত -জিলিকা কৰিবলৈ সক্ষম হওঁ।সেয়া কুইজাৰ্ডসকলে -কুইজপ্ৰেমীসকলে দেখি আহিছে। কিন্তু এটা সময়ত মৰাণ কুইজ ক্লাৱ নামটোত অসমৰ কুইজাৰ্ডসকলৰ সন্মুখতে ব্যাপকভাৱে চেকা লগাত কষ্টৰে গঢ়া অনুষ্ঠানটোৰ নামটো আমি সম্পূর্ণভাৱে ত্যাগ কৰিব লগীয়া হয়। অত বছৰে সুন্দৰকৈ চলাই থকা আবেগৰ অনুষ্ঠানটোত লগা চেকাটি সহ্যৰ বাহিৰ আছিল। চকুপানী ওলাই আহিছিল আমাৰ, আপোন অনুষ্ঠানটিত বেয়াকৈ দাগ লগাত। যি কি নহওঁক, অসমৰ কুইজাৰ্ডসকলক, কুইজক, আমাৰ কষ্টবোৰ বুজি পোৱাসকলক আন্তৰিকাৰে ধন্যবাদ জনালোঁ বিষয়টো বহল নকৰাৰ বাবে (উপস্থিত থকাসকলে, আৰু বিষয়টো অনুধাৱন কৰাসকলে বুজিব)। দাগ লগাখিনিৰ বাবে আবেগ জড়িত থকা নামটো ত্যাগ কৰি আমি উপদেষ্ঠাসহ অধিকাংশই সেই ৯ বছৰ ২১ দিনৰ পাছৰছোৱাত মৰাণ কুইজ ফ'ৰাম নামেৰে আমাৰ কুইজৰ সেই যাত্ৰা অব্যাহত ৰাখি আমি আজি দহ বছৰত ভৰি দিলোহি। এটা দিনো এনে নাছিল যেতিয়া নিজৰ অনুষ্ঠানটিৰ নাম এৰি ব্যক্তিগতভাৱে কুইজ পৰিচালনা কৰিছিলোঁ। আমাৰ কাৰ্যপন্থাঃ *আমি বিগত দহ বছৰত আমি কোনো এখন কুইজ প্ৰতিযোগিতা বা কুইজৰ অনুষ্ঠান ব্যক্তিগতভাৱে কৰাৰ কোনো নজিৰ নাই। প্ৰথম আমাৰ অনুষ্ঠানটিৰ নাম সদায় আগত। সেয়া সৰু কুইজ হওঁক অথবা ৰাজ্যিক ভিত্তিত। *বিগত দহ বছৰত পৰিচালনা বাবে নিমন্ত্রণ দিয়া কোনো এখন কুইজ প্ৰতিযোগিতা পৰিচালনা কৰিবলৈ নোৱাৰিম বুলি কৈ একেখন কুইজতে অংশগ্রহণ কৰাৰ নজিৰবিহীন ঘটনাও কৰি নাপালোঁ। *বিগত দহটা বছৰত কুইজৰ স্বাৰ্থত যথেষ্ট অৰ্থ খৰছ হৈছে। কেৱল মাত্ৰ কুইজৰ অনুষ্ঠান এটি চলাই যাবলৈ কুইজ পৰিচালনাই সমস্ৰ নহয়। কুইজখনৰ কোনটো শিতানত কিমান খৰছ হব, অৰ্থ কৰ পৰা যোগাৰ হব , যোগাৰ নহলে বহন কৰা সক্ষমতা সকলোখিনি চাব লগা হয়। *কুইজ প্ৰতিযোগিতাৰ মূল কেন্দ্রবিন্দু হ'ল প্ৰশ্ন তৈয়াৰ কৰাটো। তাত কোনোদিনে অবহেলা কৰি নাপালোঁ। গভীৰ অধ্যয়নৰ পৰাহে প্ৰশ্নবোৰ তৈয়াৰ কৰা হয়। *কুইজ প্ৰতিযোগিতা এখন আয়োজনৰ বিষয়ে চিন্তা কৰাৰ পৰা আৰম্ভ কৰি স্থান বিচৰা, প্ৰেছৰ কাম, পুৰস্কাৰৰ কথা, স্মৃতিগ্ৰন্থ, লেখা বিচৰা, প্ৰচাৰ চলোৱা ইত্যাদিৰ উপৰিও যি ঠাইত অনুষ্ঠানটি আয়োজন কৰিম পুৱা সোনকালে কৈ নিজে চাফ-চিকুণ কৰা আকৌ অনুষ্ঠান শেষ হৈ যোৱাৰ পিছত পুনৰ চাফ চিকুণ কৰা সকলোখিনি কৰি আহিছোঁ৷। * আমি আমাৰ তত্ত্বাবধানত মৰাণত আয়োজন বা পৰিচালনা কৰা কোনো যিকোনো কুইজ প্ৰতিযোগিতাত আমি খোৱা বোৱাৰ সুন্দৰ ব্যৱস্থা কৰি দিছোঁ আজি পৰ্যন্ত। এনেকুৱা নহয় যে প্ৰতিযোগী সকলে সেই ব্যৱস্থা নিজেই কৰিব নোৱাৰে।আমাৰ কুইজাৰ্ডসকলৰ লগত সম্পৰ্ক কেৱল মাথো কুইজৰ ক্ষেত্রখনত মাজত আবদ্ধ হৈ থকা নাই। প্ৰতিগৰাকী সৎ কুইজাৰ্ডৰ লগত আমাৰ আত্মিক সম্পৰ্ক গঢ় লৈ উঠিছে। *প্ৰতিটো কুইজ প্ৰতিযোগিতাৰ প্ৰচাৰ কৰা তথা কুইজ সম্পন্ন হোৱাৰ বাতৰি লিখি পঠোৱা, ছচিয়েল মিডিয়াত দিয়া আদি প্ৰচাৰৰ দায়িত্ব টো কোনোদিন অবহেলা কৰা নাই। *প্ৰতিবছৰে কুইজৰ অনুষ্ঠানটিৰ জন্মদিনত কেক কাটি জন্মদিন উদযাপন কৰি আহিছোঁ।লগতে প্ৰায় প্ৰতিগৰাকী বিষয়ববীয়া -সদস্যৰ জন্মদিন উদযাপন কৰি আহিছোঁ। * প্ৰতি বছৰে কুইজৰ বাৰ্ষিক অনুষ্ঠানৰ লগত ৰজিতা খোৱাই বাৰ্ষিক মুখপত্র "প্ৰজ্ঞা' প্ৰকাশ কৰি অহা হৈছে।সম্ভৱত অসমৰ একমাত্র কুইজৰ গোট যিয়ে প্ৰতিটো বাৰ্ষিক অনুষ্ঠানত কুইজ বিষয়ক মুখপত্র প্ৰকাশ কৰি আহিছে। * কুইজ প্ৰতিযোগিতা ক'ত, কেনেকৈ, কাৰ দ্বাৰা অনুষ্ঠিত কৰিব পাৰি, কুইজৰ প্ৰসাৰ কিদৰে চলাব পাৰি প্ৰায় বিভিন্ন সময়ত উপযুক্ত তথা আগ্ৰহী ব্যক্তিসকলৰ লগত আলোচনাত মিলিত হওঁ। তাৰ সুবাদতে কুইজৰ প্ৰসাৰতা বৃদ্ধি পোৱাত সহায়ক হৈ উঠিছে। কুইজৰ বাবে কিমান কি কৰি আহিছোঁ আমাক কাষৰ পৰা বুজি পোৱা সকলে ভালদৰেই উপলব্ধি কৰিব পাৰে। কুইজৰ বাবে ইংৰাজীৰ A পৰা Z লৈ আৰু অসমীয়া বৰ্ণমালাৰ ক পৰা ঁ লৈ প্ৰায় সকলোখিনি কৰ্ম কৰি আহিছোঁ। আচলতে কুইজক মনৰ পৰা পবিত্ৰতাৰে ভালপাওঁ। সেয়ে ইমানখিনি কৰাৰ শকতি লাভ কৰিছোঁ। বাধাও বহুত পাইছোঁ (বহু কথা উল্লেখ কৰিব নোৱাৰি)। কিন্তু বহু শুভাকাংক্ষী আৰু কুইজৰ এই যাত্ৰাপথত কাষৰ পৰা সাহস, দিহা -পৰামৰ্শ আগবঢ়াই থকাসকলৰ বাবেই আমি কাম কৰি যোৱাত সাহস লাভ কৰিছোঁ। ধন্যবাদ জ্ঞাপন- বিগত দহটা বৰ্ষ ধৰি আমি কুইজৰ প্ৰচাৰ প্ৰসাৰৰ এক যাত্ৰা চলাই আহিছোঁ।বহু কুইজ প্ৰতিযোগিতা আয়োজন আৰু পৰিচালনা কৰিছোঁ। আমাৰ এই যাত্ৰা পথত বহুকেইগৰাকী ব্যক্তিয়ে আমাক প্ৰায় প্ৰতিসময়ে সহায় কৰি আহিছে। তেওঁলোকক ধন্যবাদ জনাই তেওঁলোকৰ নামসমূহ উল্লেখ কৰিব বিচাৰিছোঁ। লোপা দুৱৰা বৰুৱা :লোপা দুৱৰা বাইদেউৰ ঘৰতে আমি প্ৰথমবাৰৰ বাবে একগোট হৈছিলোঁ। কুইজৰ এখন গোট গঠন কৰোঁ (যি আজিৰ তাৰিখত মৰাণ কুইজ ফ'ৰাম হিচাপে পৰিচিত) । তেওঁৰ মৰাণৰ ভাড়াঘৰটোতে আমি আৰম্ভণি বছৰত বহুখিনি হাব কুইজ আয়োজন কৰিছিলোঁ। তেওঁ সকলোখিনি যোগাৰ কৰি দিছিল। তেওঁৰ পৰামৰ্শতে আমি শোভিত কুমাৰ ছেত্রী দাদা আৰু পিছলৈ দেৱ দুৱৰা ছাৰ আৰু পূৰৱী নাথ চলিহা বাইদেউক উপদেষ্টা হিচাপে লাভ কৰোঁ। মৰাণ অঞ্চলৰ বাহিৰত থাকি (টীয়কত) মৰাণ কুইজ ফ'ৰামক প্ৰতিনিধিত্ব কৰি তেওঁ কেইবাখনো কুইজ প্ৰতিযোগিতা আৰু কৰ্মশালা কৰি আহিছে।গোট হিচাপে প্ৰতিষ্ঠাৰ প্ৰথম দিনটোৰ পৰাই তেওঁ আগবঢ়োৱা দিহা পৰামৰ্শ আৰু বিভিন্ন প্ৰকাৰৰ সহযোগিতাই আমাৰ মনোবল বৃদ্ধি কৰি আহিছে। শোভিত কুমাৰ ছেত্ৰী- সম্ভৱত সত্তৰ দশকৰ পৰাই মৰাণৰ কুইজৰ ক্ষেত্রখনত অৰিহণা আগবঢ়াই আহিছে শোভিত কুমাৰ ছেত্ৰী দাদাই। মৰাণৰ কুইজ ফ'ৰাম প্ৰতিষ্ঠা কালৰে উপদেষ্টা হিচাপে আমাৰ লগত থাকি তেখেতে সৰ্বতোপ্ৰকাৰে সহযোগিতা আগবঢ়াই আমাৰ আগবাঢ়ি যোৱাত অৰিহণা যোগাই আহিছে। তেখেত বৰ্তমান মৰাণ কুইজ ফ'ৰামৰ মুখ্য উপদেষ্টা। দেৱ দুৱৰা- দেৱ দুৱৰা ছাৰ। আমাৰ কুইজিকেল যাত্ৰাত অন্যতম উপদেষ্টা হিচাপে প্ৰায় আৰম্ভণিৰ পৰাই তেখেতে আমাক সজ দিহা পৰামৰ্শৰে সহযোগিতা আগবঢ়াই আহিছে। শোভিত কুমাৰ ছেত্ৰী দাদাৰ সৈতে বৃহত্তৰ মৰাণত প্ৰায় সত্তৰ দশকৰ পৰাই কুইজৰ জাগৰণ সৃষ্টি কৰি আহিছে। ড০ পূৰৱী নাথ চলিহা : মৰাণ কুইজ ফ'ৰামৰ উপদেষ্টা হিচাপে আমাৰ শিক্ষাগুৰু পূৰৱী নাথ চলিহা আমাক কুইজৰ ক্ষেত্ৰখনত আগবঢ়াত বিভিন্ন দিহা পৰামৰ্শ ,আৰ্থিক-মানসিক সহযোগিতা আগবঢ়াই আহিছে। তেখেতৰ তত্ত্বাবধানতে আমি ডিব্ৰুগড়ত টাউনত প্ৰথমবাৰৰ বাবে কুইজ প্ৰতিযোগিতা পৰিচালনা কৰিছিলোঁ। পৰৱৰ্তী সময়তো তেওঁ কেইবাখনো কুইজ পৰিচালনাৰ সুযোগ প্ৰদান কৰিছে। বিমান চলিহা : এসময়ৰ দুৰ্দান্ত কুইজাৰ্ড বিমান চলিহা ছাৰে আমাৰ কুইজৰ যাত্ৰাত আৰম্ভণিৰ পৰাই যথেষ্ট খিনি সাহস - উৎসাহ প্ৰদান কৰিছে। আমাৰ যাত্ৰাত আৰ্থিক-মানসিকভাৱে সহযোগ আগবঢ়াই আহিছে। জিষ্ণু বৰফুকন- জিষ্ণু বৰফুকন বাইদেউ।তেওঁ বৰ্তমান মৰাণ কুইজ ফ'ৰামৰ উপদেষ্টা।বিদ্যালয় পৰ্যায়ত কুইজাৰ্ড সৃষ্টিত তেওঁ যথেষ্ট খিনি অৰিহণা আগবঢ়াই আহিছে। তেওঁ দিহা পৰামৰ্শ আৰু প্ৰায়খিনি সময়ত আমাক আৰ্থিকভাৱে সহযোগিতা আগবঢ়াই আহিছে। অৰন্ধতী শৰ্মা বৰুৱা - অৰুন্ধতী শৰ্মা বৰুৱা বাইদেউ (মালা বাইদেউ)। মৰাণ কুইজ ফ'ৰামৰ বৰ্তমান উপদেষ্টা। তেখেতে মৰাণ কুইজ ফ'ৰামৰ উন্নয়নত যথেষ্টখিনি সহযোগিতা আগবঢ়াই আহিছে। তদুপৰি তেখেতৰ তত্ত্বাবধানতে নিয়মিতভাবে তেখেতৰ স্বামী স্বৰ্গীয় মন্টু শৰ্মা সোঁৱৰণী সদৌ অসম মুকলি কুইজ প্ৰতিযোগিতা বিগত ২০২২ চনৰ পৰা নিয়মিতভাবে অনুষ্ঠিত হৈ আহিছে। যিটো কুইজপ্ৰেমী সকলৰ বাবে সুখৰ বাৰ্তা। জয়শ্ৰী ফুকন- মৰাণ কুইজ ফ'ৰামে প্ৰথম বৰ্ষপূৰ্তি অনুষ্ঠান মৰাণ মহিলা মহাবিদ্যালয়তে অনুষ্ঠিত কৰাৰ সুবিধা লাভ কৰিছিল। মহাবিদ্যালয়খনৰ সেইসময়ৰ অধ্যক্ষা জয়শ্ৰী ফুকন বাইদেউৰ তত্বাবধানত অনুষ্ঠানটি আয়োজন কৰাত আমাক যথেষ্ট খিনি সহযোগিতা আগবঢ়াইছিল। তেতিয়াৰ পৰা বৰ্তমান লৈকে জয়শ্ৰী ফুকন বাইদেউৱে আমাৰ কুইজিকেল যাত্ৰাত যথেষ্ট খিনি সহযোগিতা আগবঢ়াই আহিছে। প্ৰশান্ত দত্ত- মৰাণ কনিষ্ঠ মহাবিদ্যালয়ৰ অধ্যক্ষ প্ৰশান্ত দত্ত ছাৰে আমাক কেইবাখনো কুইজ পৰিচালনাৰ সুবিধা প্ৰদান কৰাৰ লগতে আমাক যেতিয়াই প্ৰয়োজন হয় শিক্ষানুষ্ঠানটিৰ প্ৰেক্ষাগৃহটি কুইজ আয়োজনৰ বাবে অনুমতি প্ৰদান কৰি আমাৰ কুইজৰ যাত্ৰাত সহযোগিতা আগবঢ়াই আহিছে। দিব্যাজ্যোতি গগৈ - মৰাণ জাতীয় বিদ্যালয়ৰ প্ৰধান শিক্ষয়ীত্ৰি দিব্যাজ্যোতি গগৈ বাইদেউৱে আমাৰ কুইজৰ ক্ষেত্ৰখনত বিভিন্ন ক্ষেত্রত সহযোগিতা আগবঢ়াই আহিছে। তেওঁ আমাক ইতিমধ্যে তেওঁৰ তত্বাবধানত থকা বিদ্যালয়খনত কেইবাখনো কুইজ প্ৰতিযোগিতা পৰিচালনাৰ সুযোগ প্ৰদান কৰি আহিছে। মানসী গগৈ আৰু দেবযানী দিহিঙ্গীয়া- মানসী গগৈ (বৌ) আৰু দেবযানী দিহিঙ্গীয়া (বাইদেউ) দুয়োগৰাকী আমাৰ কুইজৰ ক্ষেত্রখনত বিশেষ শুভাকাংক্ষী। । মানসী বৌ আৰু দেবযানী বাইদেউৱে আৰম্ভণিৰ পৰাই আমাক বিশেষকৈ মানসিকভাৱে সাহস প্ৰদান কৰি অহাৰ লগতে আৰ্থিক ভাৱেও সহযোগিতা আগবঢ়াই আহিছে। ড০ শশীকান্ত শইকীয়া- ডিব্ৰুগড় হনুমানবক্স সুৰজমল কানৈ মহাবিদ্যালয়ৰ অধ্যক্ষ ড০ শশীকান্ত শইকীয়া ছাৰে মৰাণ কুইজিকেল যাত্ৰাত যথেষ্ট পৰিমাণে সহযোগিতা আগবঢ়াই আহিছে। তেখেতৰ তত্ত্বাবধানতে কানৈ মহাবিদ্যালয়ত আমি ৭ খনৰো অধিক কুইজ প্ৰতিযোগিতা পৰিচালনাৰ সুবিধা লাভ কৰিছোঁ। তেওঁ আমাক আৰ্থিকভাৱে সহযোগিতাও আগবঢ়াইছে। মৃদুল ফুকন-বিশিষ্ট সমাজকৰ্মী মৃদুল ফুকন ডাঙৰীয়াই কৰোনা কালছোৱাত মৰাণ কুইজ ফ'ৰামৰ মহোৎসৱত আমাক বিশেষভাৱে আৰ্থিক সহযোগিতা আগবঢ়াই আমাৰ অনুষ্ঠান আয়োজনত সহযোগ আগবঢ়োৱাৰ লগতে কভিডকালীন সেই ভয়াবহ পৰিস্থিতিত প্ৰকৃতিৰ লগত মিলি চলিবলৈ গছ পুলি ৰোপনৰ এক মহৎ কাৰ্যত আমাক অংশীদাৰ হবলৈ উৎসাহ প্ৰদান কৰি আহিছে। ভূপেন কোঁৱৰ: তেখেতৰ দৃষ্টিত আমি কেতিয়াৰ পৰা আছোঁ নাজানোঁ কিন্তু তেখেতে আমাৰ কৰ্মক সদায় প্ৰেৰণা প্ৰদান কৰি আহিছে। তেওঁ জড়িত হৈ থকা মৰাণ লাচিত নগৰ বিহু সন্মিলনত বিগত কেইবাটাও বৰ্ষত বিদ্যালয় আৰু মুকলি কুইজ প্ৰতিযোগিতা আমাক পৰিচালনাৰ সুবিধা প্ৰদান কৰি আহিছে। ।বিভিন্ন দিহা পৰামৰ্শ আৰু আৰ্থিক সহযোগিতাৰে তেখেতে আমাৰ যাত্ৰাত অৰিহণা আগবঢ়াই আহিছে। বৰ্তমান তেখেতক আমি মৰাণ কুইজ ফ'ৰামৰ উপদেষ্টা হিচাপে লাভ কৰোঁ। মৰাণ উচ্চতৰ মাধ্যমিক বিদ্যালয়ৰ ২০০৫ বৰ্ষৰ শিক্ষাৰ্থীসকল: মৰাণ উচ্চতৰ মাধ্যমিক বিদ্যালয়ৰ ২০০৫ বৰ্ষৰ শিক্ষাৰ্থীসকলৰ গোটটোৱে বিগত বৰ্ষবোৰত স্বৰ্গীয় বিমান ফুকন ছাৰৰ সোঁৱৰণত মুকলি কুইজ প্ৰতিযোগিতাৰ দ্বিতীয়টো পুৰস্কাৰ প্ৰদান কৰি আমাৰ বাৰ্ষিক অনুষ্ঠানত সহযেগিতা আগবঢ়াই আহিছে। বিশেষকৈ মনুজ দত্ত কে প্ৰমুখ্যে কৰি নৱজিৎ খনিকৰ, মৃগাংগ গগৈ, লিটুল বৰুৱা, পংকজ গগৈ, মানস গগৈ, মানস প্ৰতীম চুতীয়া, ফ্লৰিনা ফুকন, মৃদুল গগৈ, আৰু বন্ধুবৰ্গই আমাৰ কৰ্মৰ অংশীদাৰ হৈ আহিছে। ৰশ্মিৰেখা গগৈ -চৰাইদেউ জিলা আয়ুক্ত কাৰ্যালয়ৰ জ্যেষ্ঠ সহায়িকা ৰশ্মিৰেখা গগৈ বাইদেউ আমাৰ শুভাকাংক্ষী হিচাপে আমাৰ প্ৰতিটো অনুষ্ঠানত দিহা -পৰামৰ্শ, সাহস তথা সহযোগিতা আগবঢ়াই আহিছে। তেওঁ আমাৰ প্ৰায় প্ৰতিটো অনুষ্ঠানত উপস্থিত থাকে। তদুপৰি তেখেতে আমাৰ সৎ উপদেশ প্ৰদান কৰি আমাৰ ভুল বিলাক আঙুলিয়াই আমাৰ যাত্ৰা সুন্দৰ কৰাত অৰিহণা আগবঢ়াই আহিছে। বিশাল ফুকন -মৰাণ পৌৰসভাৰ প্ৰথমগৰাকী পৌৰপতি স্বৰ্গীয় বিজয় ফুকনৰ সোঁৱৰণত তেওঁৰ নাতিয়েক বিশাল ফুকনে বিগত বৰ্ষবোৰত মুকলি কুইজ প্ৰতিযোগিতাৰ প্ৰথম পুৰস্কাৰ প্ৰদান কৰি আমাৰ বাৰ্ষিক অনুষ্ঠানটিত সহযোগিতা আগবঢ়াই আহিছে। নীলিমা তালুকদাৰ -মৰাণ মহাবিদ্যালয়ৰ প্ৰাক্তন উপাধ্যক্ষা নীলিমা তালুকদাৰ বাইদেউ আমাৰ কুইজিকেল যাত্ৰাপথত বিভিন্ন প্ৰকাৰে আৰ্থিক -মানসিকভাৱে সহযোগিতা আগবঢ়াই আমাৰ মনোবল বৃদ্ধি কৰি আহিছে। অৰুনিমা দাস :স্বামী বিবেকানন্দ কেন্দ্রীয় বিদ্যালয়ৰ(মৰাণ) প্ৰতিষ্ঠাপক অৰুনিমা দাস বাইদেউ আমাৰ অন্যতম শুভাকাংক্ষী । তেওঁ আমাৰ কৰ্মক প্ৰেৰণা -সাহস প্ৰদান কৰি আমাৰ মনোবল বৃদ্ধি কৰি আহিছে। বুলবুলি গগৈ- আমাৰ কুইজিকেল যাত্ৰাত মৰাণ উচ্চতৰ মাধ্যমিক বিদ্যালয়ৰ আমাৰ শিক্ষাগুৰু বুলবুলি বৰুৱা বাইদেউৱে বিভিন্ন প্ৰকাশে আৰ্থিক সহযোগ তথা দিহা পৰামৰ্শ আগবঢ়াই আহিছে। তেখেতৰ সন্তান শ্বাশ্বত প্ৰয়াগ বৰুৱা মৰাণ কুইজ ফ'ৰামৰ সক্ৰীয় কৰ্মী। ড০ বৰুণ দে- ডিব্ৰুগড় বিশ্ববিদ্যালয়ৰ ৰাজনীতি বিজ্ঞান বিভাগৰ সহকাৰী অধ্যাপক ড০ বৰুণ দে ছাৰে আমাৰ যাত্ৰাক সদায়ে প্ৰশংসা আগবঢ়াই আহিছে। শৰৎ শেনচোৱা- এসময়ৰ কুইজাৰ্ড তথা কুইজ পৰিচালক, বৰ্তমান আপকুৰ সাধাৰণ সম্পাদক শৰৎ শেনচোৱা দাদাই আমাৰ কুইজৰ প্ৰচাৰ আৰু প্ৰসাৰৰ যাত্ৰাত বিভিন্ন সময়ত দিহা -পৰামৰ্শ তথা সহযোগিতা আগবঢ়াই আহিছে। । বৃহত্তৰ মৰাণ অঞ্চলৰ বিদ্যালয় -মহাবিদ্যালয় তথা ছাত্ৰ সন্থাসমূহ- বৃহত্তৰ মৰাণ অঞ্চলৰ শিক্ষানুষ্ঠান তথা ছাত্ৰ সংগঠনসমূহে বিভিন্ন দিৱস তথা অনুষ্ঠানৰ লগত সংগতি ৰাখি কুইজ প্ৰতিযোগিতা আয়োজন কৰি আহিছে। উক্ত কুইজ প্ৰতিযোগিতাসমূহ পৰিচালনাৰ সুবিধা প্ৰদান কৰি কুইজৰ প্ৰসাৰ আৰু প্ৰচাৰত যথেষ্ট খিনি অৰিহণা আগবঢ়াই আহিছে। সাংবাদিক সন্থা - বিগত দহটা বছৰে আমাৰ প্ৰচাৰ আৰু প্ৰসাৰত বৃহত্তৰ মৰাণ অঞ্চলৰ সাংবাদিকসকলে যথেষ্ট পৰিমাণে সহযোগিতা আগবঢ়াই আহিছে। তেওঁলোকৰ অবিহনে আমাৰ প্ৰসাৰতা কল্পনা কৰিব নোৱাৰি। মহীম বৰুৱাৰ পৰিয়াল- মৰাণ কুইজ মহোৎসৱত যিখন বিদ্যালয় পৰ্যায়ৰ কুইজ প্ৰতিযোগিতা আয়োজিত হয় সেইখন এসময়ৰ মৰাণৰ কুইজাৰ্ড স্বৰ্গীয় মহিম বৰুৱাৰ সোঁৱৰণত আয়োজন কৰা হয়। এইক্ষেত্ৰত স্বৰ্গীয় মহীম বৰাৰ পৰিয়ালে আমাক যথেষ্ট খিনি সহযোগিতা আগবঢ়াই আহিছে। বিনীতা ফুকন -মৰাণ উচ্চতৰ মাধ্যমিক বিদ্যালয়ৰ শিক্ষক স্বৰ্গীয় বিমান ফুকন ছাৰৰ ভনীয়েক বিনীতা ফুকন (বাইদেউ) এ আমাৰ কুইজিকেল ক্ষেত্রখনত শুভাকাঙ্ক্ষী হিচাপে বিভিন্ন প্ৰকাশে সহযোগিতা আগবঢ়াই আহিছে। সুবৰ্ণ কাকতী- মৰাণ মহিলা মহাবিদ্যালয়ৰ ৰাজনীতি বিজ্ঞান বিভাগৰ অধ্যাপিকা সুবৰ্ণ কাকতী বাইদেউ আমাৰ কুইজিকেল পথত শুভাকাঙ্ক্ষী হিচাপে আমাক দিহা পৰামৰ্শ আৰু সহযোগিতা আগবঢ়াই আহিছে। নৃপেন বৰুৱা আৰু পাহি অফছেট প্ৰেছ: আমাৰ কুইজৰ যাত্ৰাত স্মৃতিগ্ৰন্থৰ পৰা প্ৰমুখ্যে কৰি মান পত্ৰ, বেনাৰ প্ৰেছৰ বিভিন্ন কামসমূহ আমাক সময়মতে সমাপন কৰি আমাৰ কৰ্মত নৃপেন বৰুৱা দাদা আৰু তেওঁৰ প্ৰেছৰ বিষয়ববীয়াসকলে যথেষ্ট সহযোগ কৰি আহিছে। নৃপেন বৰুৱা দাদাৰ পৰা আমি বিভিন্ন সময়ত সজ দিহা -পৰামৰ্শও লাভ কৰোঁ। বিশ্বজিৎ চলিহা-বিশ্বজিৎ চলিহা দাদাই আমাক বাৰ্ষিক মহোৎসৱত নিয়মিতভাৱে আৰ্থিক সহযোগিতা আগবঢ়োৱাৰ লগতে বিগত দুটা বৰ্ষধৰি অ ন জি চি নাজিৰা আৰু শিৱসাগৰত সুন্দৰ কুইজ প্ৰতিযোগিতা পৰিচালনা কৰাৰ সুবিধা প্ৰদান কৰি আহিছে। চিত্তৰঞ্জন চেলেং- চিত্তৰঞ্জন চেলেং, তেখেতে মৰাণ কুইজ ফ'ৰামৰ প্ৰায় আৰম্ভণিৰ মহোৎসৱৰ দিনটোৰে পৰাআৰ্থৰ বাৰ্ষিক অনুষ্ঠানত আৰ্থিক তথা শাৰীৰিক ভাৱে সহযোগিতা আগবঢ়াই আহিছে। বিজয় কৃষ্ণ সন্দিকৈ: বিজয় কৃষ্ণ সন্দিকৈ দাদাই আমাক এখন বাৰ্ষিক অনুষ্ঠান বিশেষভাৱে আৰ্থিক সহযোগিতা আগবঢ়াই আমাৰ অনুষ্ঠানটি সাফল্যমণ্ডিত কৰাত সহযোগিতা আগবঢ়াই আহিছে। জাতীয় সংগঠনঃ আছু,জাতীয়তাবাদী যুৱ ছাত্ৰ পৰিষদ, টাই আহোম ছাত্ৰ সন্থা আৰু টাই আহোম যুৱ পৰিষদ - বৃহত্তৰ মৰাণ অঞ্চলৰ জাতীয় সংগঠনে আমাৰ বাৰ্ষিক অনুষ্ঠানবোৰত খাদ্য বিভাগত সহযোগিতা আগবঢ়োৱাৰ লগতে তেওঁলোকে ইতিমধ্যে বিভিন্ন কুইজ প্ৰতিযোগিতা অনুষ্ঠিত কৰি আমাক পৰিচালনাৰ সুবিধা প্ৰদান কৰি আহিছে। সনথ খনিকৰ, উত্তম দিহিঙীয়া, ৰেব বৰুৱা, হীৰেন চেতিয়া- তেওঁলোকে আমাৰ বাৰ্ষিক অনুষ্ঠানবোৰত নিয়মীয়াকৈ আৰ্থিক তথা ভিন্ন প্ৰকাৰে সহযোগিতা আগবঢ়াই আহিছে। অম্লান গোস্বামী- তেখেতে আমাৰ কুইজিকেল যাত্ৰাৰ বাৰ্ষিক অনুষ্ঠানত প্ৰয়োজনীয় সামগ্ৰী প্ৰদান কৰি আমাৰ যাত্ৰাৰ অংশীদাৰ হৈ আহিছে। ৰাকেশ পণ্ডিত (মুন্না দা): আমাৰ যিকোনো কামত অসফলতাৰ ফালে গতি কৰা গম পালে উদ্বাৰকাৰী হিচাপে মুন্না দাই দায়িত্ব গ্ৰহণ কৰি আহিছে। আমাৰ বাৰ্ষিক অনুষ্ঠানৰ লগতে অন্যান্য সৰু -বৰ অনুষ্ঠানত কাৰিকৰী দিশবোৰ পৰ্যবেক্ষণ কৰাৰ লগতে আমাক দিহা -পৰামৰ্শ তথা আৰ্থিক সহযোগিতা প্ৰদান কৰি আহিছে। ধ্ৰুৱ প্ৰসাদ বৰুৱা: লোপা দুৱৰা বৰুৱা বাইদেউৰ লগতে ধ্ৰুৱ প্ৰসাদ বৰুৱা ভিনদেউ এ আমাৰ কুইজৰ অনুষ্ঠানত আৰম্ভণি সময়ৰ পৰাই আমাক মানসিকভাবে তথা আৰ্থিক দিশত সহযোগিতা আগবঢ়াই আহিছে। কংকন বৰবৰা, ৰাকেশ বৰুৱা , দিপাংকৰ বৰা, মনোজ বৰগোহাঁই ,ক্ষীৰোদ মহন বৰুৱা, চিন্টু মনি সন্দিকৈ, চম্পক গগৈ, মাধুৰ্য গগৈ, নীল কমল গগৈ, মৌচম বৰুৱা, পাৰ্থ বৰগোহাঁই, হোমেন ফুকন, বিমল পাল, চিৰঞ্জীৱ গগৈ, মাধুৰ্য চেতিয়া,বিজয় পাল, অভিজিৎ নেওগ, দ্বীপজ্যোতি হাজৰিকা, সংগীতা কলিতা, পংকজ গগৈ, ত্ৰিদ্বীপ গগৈ, হিমাংশু শইকীয়া । এওঁলোকে আমাৰ বাৰ্ষিক মহোৎসৱত প্ৰতিবছৰে উৎসাহ প্ৰদান কৰাৰ লগতে আৰ্থিকভাৱে সহযোগিতা আগবঢ়াই আহিছে। প্ৰতিগৰাকীলৈ আমাৰ তৰফৰ পৰা আন্তৰিক ধন্যবাদ জনাইছোঁ। শুভংকৰ দত্ত, কল্যাণ দিহিঙীয়া, স্বৰ্গীয় চন্দ্ৰজিৎ সোনোৱাল , সুজিৎ দাস , চন্দন গগৈ, ভাৰ্মাশ্ব্য শইকীয়া প্ৰমুখ্যে কৰি বহু বন্ধুবৰ্গত আমাৰ এই শৈক্ষিক কৰ্মটিত আৰ্থিকভাৱে অৰিহণা আগবঢ়াইছে। নিত্যা শইকীয়া - আধুনিক অফছেট প্ৰেছৰ স্বত্বাধিকাৰী নিত্যা শইকীয়াৰ প্ৰেছতো আমি দুবছৰীয়া যাত্ৰাত প্ৰেছৰ বিভিন্ন কৰ্মৰ মাজেদি তেখেতৰ পৰা সহযোগিতা লাভ কৰি আহিছোঁ । অসমৰ বিভিন্ন প্ৰান্তৰ কুইজাৰ্ডসকল- বৃহত্তৰ মৰাণ অঞ্চলৰ লগতে আমাৰ প্ৰতিটো কুইজৰ অনুষ্ঠানত অংশগ্রহণ কৰিবলৈ অহা প্ৰতিগৰাকী কুইজাৰ্ড আমাৰ কৰ্মৰ এই যাত্রাৰ অংশীদাৰ। আমাৰ আজি দশকজোৰা কৰ্মৰ উল্লেখিত ব্যক্তি তথা অনুষ্ঠান-প্ৰতিষ্ঠানবোৰৰ পৰা আমি সৰ্বতোপ্ৰকাৰে সহযোগিতা লাভ কৰি আহিছোঁ।প্ৰতিগৰাকী লৈ পুনৰবাৰ আমাৰ তৰফৰ পৰা আন্তৰিকাৰে ধন্যবাদ জনালোঁ। উপৰোক্ত নাম বোৰৰ বাহিৰেও অনিচ্ছাকৃতভাৱে বহু নাম ৰৈ যাব পাৰে( ক্ষমাপ্ৰাৰ্থী তাৰ বাবে) । যিসকলে কম -বেছি পৰিমাণে আমাৰ এই কৰ্মৰ অৰিহণা আগবঢ়াইছে। তেওঁলোকলৈও আমাৰ তৰফৰ পৰা অলেখ ধন্যবাদ জনালোঁ। মৰাণ কুইজ ফ'ৰামৰ হৈ ৰাজ্জাক আলী

তুমি আৰু মই

তুমি আৰু মই _______________ ✍️ৰাজ্জাক আলী 👩 তুমি মোক সচাঁই ভালপোৱা নে? 👨‍🦰 কিয় তোমাৰ বিশ্বাস নাই.... 👩আছে আছে ... কিন্তু .... 👨‍🦰 কি কিন্তু হা .... মানে বিশ্বাস নাই মোৰ ওপৰত? 👩নহয় অ, মোৰ কোৱাৰ অৰ্থ সেয়া নহয় 👨‍🦰তেন্তে ...তেন্তে কি 👩আনৰ দৰে মুকলি কৰি নিদিয়া কিয় আমাৰ ভালপোৱা, সকলোৱে গম পাওঁক তুমি মোক ভালপোৱা বুলি আক', 👨‍🦰 নাই নাই সেইবোৰ যে মোৰ কৰিবলৈ নাই, মই তোমাক ভালপাওঁ, সেয়া চিঞৰি থকাৰ প্ৰয়োজন বা ক'ত .... বেছি বাহ্যিকতা মই ভাল নাপাওঁ, তুমি মোক আৰু মই তোমাক ভালপাওঁ, আমি দুয়ো জানোঁ কথাবোৰ, তাতোতকৈ আৰু কি লাগে ... 👩 হু যা তুমি বৰ অল্ড ফেশ্বনৰ দৰে কথা কোৱা, সকলোৱে জানক আমাৰ ভালপোৱা মই তাক বিচাৰোঁ 👨‍🦰 তুমি কোৱাচোন বাৰু, সকলোৱে গম পালে আমাৰ কি লাভ বা লোকচান, তুমি জানানে শ্ব বেছি হোৱা বহু কাহিনীৰ অন্ত কিন্তু ইপাৰ -সিপাৰ হৈ পৰে, শ্ব বেছি হোৱাবোৰ সকলোৱে পাকে -প্ৰকাৰে টনা-আজুৰা কৰিব বিচাৰে, শ্ব বেছি হোৱাবোৰৰ 'মুখ লাগে' বুলি কৈ যে সেয়াও হব পাৰে , সেয়ে শ্ব বেছি ভাল নাপাওঁ তুমি মোৰ, মই তোমাৰ আমিয়ে জানোচোন আমাৰ কথা ..... 👩 আচ্ছা বাবা, ঠিক আছে, ঠিক আছে তোমাৰ কথাবোৰ প্ৰফেচাৰকৈয়ো কম নহয় দেই , হব বাৰু নালাগে তেনেকৈ একো কৰিবলৈ.. কোৱাচোন এইবাৰ সৰস্বতী পূজাত মোক দিবা দিবা নে 👨‍🦰দিম আক', তোমালৈ সৰস্বতীৰ প্ৰতিমা এটা আৰু তুমি পঢ়ি ভালপোৱা গ্ৰন্থ এখন লৈ থৈছোঁ .. 👩 কিতাপ দিবা 👨‍🦰 অ'টো , সৰস্বতী পূজাত আৰুণো কি দিম 👩তুমিটো মোক গোলাপ এপাহ দিব পাৰা... 👨‍🦰 আইঐ, হিন্দী চিনেমাৰ দৰে নাভাবিবা চোন কথাবোৰ, গোলাপৰ মই পুলি কেইজোপামান উপহাৰত দিম তোমাক, তোমাৰ পদূলিত ৰঙা হাঁহিৰে ফুলি থাকিব.... তুমি আজি বৰ যান্ত্রিকৰ দৰে কথা কৈ আছা ... 👩 নাই অ সোণ, মই ধেমালিয়ে কৰি আছোঁ, অকৰাটো বুজিয়ে নাপায়, তোমাৰ মনৰ চাৰিবেৰত ফুলা ফুলবোৰ মোৰ মনটো ফুলে , ৰঙবোৰো একে ..... যাৰ সুবাসতে তুমি আৰু মই একাকাৰ ...😊😊 (

ৰাখী বন্ধন :এক আলোকপাত

ৰাখী বন্ধন:এক আলোকপাত

   -------------------------     ✍️    ৰাজ্জাক আলী(মৰাণ) 

আমাৰ দেশ ভাৰতবৰ্ষ নানা জাতি-জনগোষ্ঠীৰ সমাহাৰেৰে পৰিপূৰ্ণ। বিভিন্ন জাতি জনগোষ্ঠীৰ নিজা নিজা ধৰ্মীয় উৎসৱ পৰম্পৰা আছে। ভাৰতবৰ্ষৰ কিছুমান ধৰ্মীয় উৎসৱ নিদির্ষ্ট ধৰ্মৰ মাজতে আবদ্ধ নাথাকি ভাতৃত্ববোধেৰে প্ৰায় সকলো ধৰ্মৰ লোকেই পালন কৰা দেখা যায়। তাৰে ভিতৰত এটা উল্লেখযোগ্য ধৰ্মীয় উৎসৱ বা পৰম্পৰা হল ৰাখী বন্ধন। আজিৰ তাৰিখত এই উৎসৱ ভাৰতৰ প্ৰতিটো ধৰ্মৰ লোকে উদযাপন কৰে বুলি কলেও ভুল কোৱা নহব। ৰাখী বন্ধন হিন্দু শাস্ত্ৰমতে শাগুণ মাহৰ পূৰ্ণিমাৰ দিনা পালন কৰা হয়। এইবাৰ ১১ আগষ্টত ৰাখী বন্ধন।ৰাখীৰ বান্ধোন বায়েক-ভনীয়েক সকলে ভায়েক-ককায়েকসকলৰ হাতত ৰাখী পিন্ধাই সম্পৰ্কবোৰ সু সুন্দৰ, অটুট কৰাৰ মানসিকতাৰ লগতে তেওঁলোকৰ জীৱনবোৰত সফলতা-সুখৰ সুবাস বলাৰ প্ৰাৰ্থনা কৰে। ককায়েক-ভায়েকসকলেও বায়েক ভনীয়েক সকলক জীৱনবোৰ সুন্দৰ-সফল হোৱাৰ লগতে সুৰক্ষিত কৰি ৰাখিবলৈ দৃঢ় প্ৰতিজ্ঞাবদ্ধ হয়। বায়েক-ভায়েক, ভনীয়েক -ককায়েক এনে এক সম্পৰ্ক যাৰ বহুল আলোচনা নহয় যদিও লেখা-মেলা নহয় যদিও জীৱন বাটত এই সম্পৰ্ক এক এৰাব নোৱাৰা অংশ। বায়েকৰ পৰা পোৱা মৰমৰ সোৱাদ, প্ৰতি সময়ৰ প্ৰেৰণা-সাহস, প্ৰয়োজনত দাবী ধমকিৰে ভায়েকবোৰৰ জীৱন সৰ্বাংগসুন্দৰ কৰি ৰাখিবলৈ পূৰ্ণ সহযোগ কৰে। ঠিক তেনেদৰে ভনীয়েক -ককায়েকৰ ধেমালি-মৰমৰ সুবাসেও জীৱনটো আনন্দ মুখী কৰি তুলে। ককায়েকে ভনীয়েকৰ জীৱনৰ পথ সফলতাময় হোৱাত অৰিহণা যোগোৱাৰ লগতে ভনীয়েকবোৰেই ককায়েকৰ ভিন্ন প্ৰকাৰে সহযোগিতা আগবঢ়ায়। এক অৰ্থত পৃথিৱীৰ শ্ৰেষ্ঠ সম্পর্ক বোৰৰ ভিতৰত বায়েক -ভায়েক, ভনীয়েক ককায়েকৰ সম্পৰ্ক বোৰ অন্যতম।যি সম্পৰ্কে লিখি বলগীয়া বহুত আছে।আজি ৰাখী বন্ধনত প্ৰতিগৰাকী বাইদেউ-ভন্টীলৈ শুভেচ্ছা জ্ঞাপন কৰিলোঁ ।

"আত্মহনন:সমাজৰ এক ভয়াবহ সমস্যা " ✍️ৰাজ্জাক আলী

আজিৰ সমাজ ব্যৱস্থাত বিভিন্ন কাৰণত বহু লোকে আত্মহনন কৰা দেখা যায়। যিটো একেবাৰে ভাল বিষয় নহয়। নিজক ভালপাবলৈ শিকাটো খুব বেছি প্ৰয়োজন। জীৱনক প্ৰকৃতাৰ্থত মনে প্ৰাণে ভালপোৱা কোনো লোকে আত্মহনন নকৰে যিকোনো পৰিস্থিতিয়ে নাহক কিয় ...... জীৱনত কিবা এটা বিচৰামতে লাভ নকৰিলে কিছুমানে ধৈর্যৰ বান হেৰুৱাই আত্মহনন কৰা দেখা যায়। কিন্তু আত্মহননে কিবা সমাধান কৰে জানোঁ? আত্মহনন কৰা এটা চামৰ কথা কব বিচাৰিছোঁ । ২০ বছৰৰো তলত লৰা-ছোৱালীয়ে আত্মহননৰ পথ বাচি লয়। বেছিভাগৰে এটাই কাৰণ- ঘৰত বিচৰা মনৰ পচন্দৰ সামগ্ৰী নোপোৱাটো আৰু কমসংখ্যকৰ প্ৰেমজনীত কাৰণ। সৰু সৰু লৰা -ছোৱালীয়ে প্ৰেমৰ নামৰ অপ্ৰেমত উঠি -ভাহি শেষত বিচৰা ফলাফল নাপালে একো চিন্তা নকৰি নিজকে হত্যা কৰে। আনফালে ঘৰত বিচৰা সামগ্রী মাক-দেউতাক বা অভিভাৱকে প্ৰদান নকৰিলে চিধাই এচামে আত্মহত্যাৰ পথ বাছি লয়। এই আত্মহত্যাৰ কাৰবাত টো সেই কম বয়সীয়া লৰা-ছোৱালীৰ মনলৈ এদিনতে আহেনে? নিজক হত্যা কৰাৰ চৰম সিদ্ধান্ত কেনেকৈ? জীৱন বোলা গ্ৰন্থখনক নপঢ়াকৈয়ে আৰম্ভণিতে কিয় এনে কাৰ্য কৰে? দায়ী অকল সিহঁতেই নে আন কোনোবাও জড়িত তাৰ লগত? আচলতে দায়ী অকল সিহঁতেই নহয় বা এদিনতে তেনে ভয়াবহ সিদ্ধান্ত সিহঁতৰ মনলৈ নাহে ... এই যে টকাত উঠি ভাহি থকা এচাম অভিভাৱকে অভাৱ কি বস্তু লৰা ছোৱালীক উপলব্ধি কৰিবলৈ নিশিকায়, যেতিয়াই যি লাগে কোৱাৰ লগে লগে দি দিয়ে, আনৰ কাষত সৰুৰ পৰাই টকাৰ ক্ষেত্রত নিজ লৰা ছোৱালীক বহু ওপৰত ৰাখে,তেনেস্থলত যেতিয়া কিবা এটা বস্তু এটা সময়ত নিদো বুলি কৈ দিয়ে , তেনে সময়ত সেই লৰা-ছোৱালীৰ এচামে মনৰ ভিতৰত ব্যাপক আঘাত পায়, আৰু একো চিন্তা নকৰি আত্মহননৰ পথ বাছি লয়। অকল যে তেনে লৰা-ছোৱালীয়ে এই পথ বাছি লয়, সেয়াও নহয়। তেনে লৰা-ছোৱালীয়ে যেতিয়া লগৰ -সমনীয়াৰ ওচৰত জোখতকৈ যেতিয়া দামী দামী সামগ্ৰীৰে নিজকে সম্ভ্ৰান্ত পৰিয়ালৰ বুলি(অভিভাৱকৰ সহায়ত) দেখুৱায়, তেন্তেস্থলত কম উপাৰ্জন কৰা পৰিয়ালৰ সমনীয়া লৰা-ছোৱালীৰ মাজতো সেই ভয়াবহ পন্থা দেখা যায়। উঠি অহা জীৱনবোৰ এনেদৰে সেয়াই যোৱাটো আমি কেতিয়াও নিবিচাৰোঁ। গতিকে পৰিয়াল, সমাজ, শিক্ষানুষ্ঠানৰ শিক্ষাগুৰুসকল, সমাজৰ সচেতন ব্যক্তিসকল আমি সকলোৱে পৰাপক্ষত এই ভয়াবহ বীজ যাতে কোনো লৰা-ছোৱালীৰ মনত ৰোপন নহয়, সেই বিষয়ে চোকা নজৰ দিব লাগে। জীৱনটোক ভাল পাবলৈ শিকাব লাগে প্ৰতি সময়ে,কোনো সামগ্ৰীক নহয়।অভাৱ নাথাকিলেও অভাৱ কি বস্তু শিকাব লাগে। আত্মীয়তা, মানুহৰ প্ৰতি ভালপোৱা, ভাল ভাৱধাৰা এইবোৰ সৰুৰে পৰা শিকাই যাব লাগে। প্ৰকৃতাৰ্থত এইবিলাক মনৰ ডায়েৰীত লিপিবদ্ধ হলে সামগ্ৰী লাভ নকৰিলে আত্মহত্যাৰ দৰে পন্থা কেতিয়াও গ্ৰহণ নকৰে।

(এলিছা-চোৱা, ২০১৫ চনত তুমি ঘৰলৈ বিশ্বকাপ, মেন অৱ দা চিৰিজ আনিছিলা, এইবাৰ ময়ো দুয়োটাই লৈ আহিলোঁ মিচেল- ৱাহ ...মোৰ বাবে ইয়াতকৈ সুখ নাই, মই পুৰস্কাৰ লৈ অনা দিনটোতকৈ বেছি সুখী আজি) মহিলা বিশ্বকাপ ক্রিকেট প্ৰতিযোগিতাত সপ্তমবাৰলৈ অষ্টেলিয়াৰ ক্ৰিকেট দল চেম্পিয়ন হয়। এইবাৰৰ বিশ্বকাপৰ ফাইনেলৰ পাছত আটাইতকৈ বেছি ছেয়াৰ হৈ থকা ফটো কপি হল ফাইনেলত শ্ৰেষ্ঠ খেলুৱৈৰ সন্মান তথা প্ৰতিযোগিতাখনৰো শ্ৰেষ্ঠ খেলুৱৈৰ সন্মান লাভ কৰা অষ্টেলিয়ান ক্ৰিকেটাৰ এলিছা হেইলি আৰু তেওঁ স্বামী অষ্ট্ৰেলিয়ান ক্রিকেটাৰ মিচেল ষ্টাৰ্কৰ। ২০১৫ চনৰ পুৰুষ বিশ্বকাপত মিচেল ষ্টাৰ্ক শ্ৰেষ্ঠ খেলুৱৈ হোৱাৰ(চেম্পিয়ন দলৰ সদস্য)লগতে ২০১৯ চনৰ বিশ্বকাপত যিকোনো পুৰুষ বিশ্বকাপত সৰ্বাধিক উইকেট দখলকাৰী হৈ পৰে। আনফালে পত্নী এলিছা হেইলি ২০২২ চনৰ বিশ্বকাপত শ্ৰেষ্ঠ খেলুৱৈ হোৱাৰ লগতে(চেম্পিয়ন দলৰ সদস্যা)যিকোনো মহিলা বিশ্বকাপত সৰ্বাধিক ৰাণ সংগ্রহকাৰী হৈ পৰে। এটা পৰিয়ালে ইচ্ছা কৰিলে কি কৰিব নোৱাৰে সেয়া মিচেল আৰু এলিছাই প্ৰমাণ কৰি দেখুৱালে। তেওঁলোকে বিশ্বজয় কৰিলে। দুয়ো -দুয়োৰে সহযোগিতাৰে, লগত সামাজিক ব্যবস্থা নিশ্চয়কৈ শক্তিশালী তেওঁলোকৰ (মন-মনোৱল) । প্ৰায়ভাগ মানুহৰে প্ৰতিভা থাকে ভিন্ন দিশত, এটা সময়লৈকে সেয়া উজ্জ্বলি থাকে যদিও সময়ৰ তাগিদাত পিছলৈ সেই প্ৰতিভাক কৰবাত এৰি থৈ আহিব লগীয়া হয় বা হেৰাই যায়। সকলোৱে বিশ্বজয়ে কৰিব লাগিব যে সেয়া কোনো কথা নাই। কিন্তু সময়ে বহু খেলুৱৈ, সংগীতৰ লগত জড়িত, সাংস্কৃতিক দিশৰ লগত জড়িত ব্যক্তিক সেই দিশৰ পৰা আঁতৰাই নিলে।বিভিন্ন দিশৰ সহযোগিতাৰ অভাৱ নে জীৱনৰ এটা দিশত বেছি গুৰুত্ব দিব লগা হোৱাৰ বাবে সেইবোৰ হেৰাই যায় প্ৰশ্নবোধক হৈ আছে আৰু থাকিব। নিজ নিজ মহাবিদ্যালয়ত পঢ়ি থকা সময়ত অসম তথা অসমৰ বাহিৰত সুনাম কঢ়িয়াই অনা বক্সাৰ, দৌৰবিদ, গায়িকা-গায়ক, সাংস্কৃতিক ক্ষেত্রখনত উজ্জ্বলি থকা বহু প্ৰতিভা আজিৰ তাৰিখত নাই।(সকলো প্ৰাক্তন কলেজীয়া সকলে কথাটো অনুধাৱন কৰিলে নিশ্চয়কৈ গম পাব) তেওঁলোক নিষ্ক্রিয় হৈ হোৱাৰ লগে লগে নিজৰ লগতে সমাজ জীৱনৰ এক ক্ষতিৰ সৃষ্টি হ'ল। যিটো সাধাৰণতে দেখা পোৱা নাযায় বা সমাজে সাধাৰণতে অনুধাৱন নকৰে । ক্ষতি কিন্তু হৈ আছে। সেই প্ৰতিভাবোৰৰ পৰা অনুপ্ৰেৰণা লৈ আৰু বহু প্ৰতিভাৰ সৃষ্টি হোৱা হয়। ঐশ্বৰিক প্ৰতিভাবোৰ সকলোৰে সহযোগিতাৰে যাতে সক্রিয় হৈ থাকে , অকালতে হেৰাই নাযায়, তাৰ ওপৰত গুৰুত্ব প্ৰদান কৰিব লাগে এটি জীৱনৰ বাবে, এটি পৰিয়ালৰ বাবে, এটি সমাজ, ৰাজ্য, দেশৰ বাবে সেইবিলাক সক্রিয় হৈ থকাটো খুৱেই প্ৰয়োজন। নিষ্ক্রিয়তাই অজানিতে বহুত কিছু হেৰুৱায়। (ক্ৰিকেট ভালপোৱা মানুহ, ক্ৰিকেটৰ মাজেৰেও সমাজ জীৱনক অধ্যয়ন কৰি লিখিবলৈ যত্ন কৰিলোঁ) ✍ৰাজ্জাক

কিয় কব নোৱাৰোঁ, কিন্তু তোমাক ভাল লাগে

 কিয় কব নোৱাৰোঁ, কিন্তু তোমাক ভাল লাগে"

___________________________________

(প্ৰতিগৰাকী ভাল মনৰ ব্যক্তিলৈ অৰ্পণ) 

                                  ✍ৰাজ্জাক আলী

                                        

নাজানোঁ, 

কিয় ভালপাওঁ তোমাক, 

ভালপোৱাৰ কিবা বিশেষ কাৰণ থাকিব লাগে জানোঁ? 

হয়তো তোমাৰ সৰলতা, 

'Simple living , High Thinking'

মন্ত্ৰৰ বাবে নে

জীৱনটো কেনেকৈ উদযাপন কৰিব লাগে শিকোৱাৰ বাবে

নাজানোঁ, সচাঁকৈ নাজানোঁ 

কিন্তু ভালপাওঁ

এই যে সৰু সৰু বস্তুত  সুখ বিচাৰি পোৱা, 

বৰ ডাঙৰ একো নালাগে খোলাকৈ হাঁহি এটি মাৰিবলৈ

শিকো তোমাৰ পৰা এই সৌন্দর্যতা, 

সেইবাবেও ভাল লাগে নেকি তোমাক? 

নাই নাজানোঁ

ভালপাওঁ মাথো ভালপাওঁ তোমাক

এই যে মানুহক বেয়া পাব নোৱাৰা তোমাৰ গুণটো

বাৰুকৈয়ে আকৰ্ষিত কৰে, 

এচামটো ভাগৰি যায় তোমালৈ বেয়া কথন দলিয়াই দলিয়াই, 

ভিন্ন প্ৰকাৰে তোমাক বাধাগ্রস্ত কৰিবলৈ , 

কিন্তু তোমাৰ স্থিৰতা, অটুট মনোবলে 

সকলোকে পৰাভূত কৰে

সচাঁই  তুমি ব্যতিক্রম

শিকো প্ৰতি সময়ে, 

তোমাৰ এই গুণেও চাগে ভাল পাবলৈ শিকাই তোমাক, 

নাজানোঁ মাথো ভালপাওঁ

দুখবোৰ সযতনে লুকুৱাই সুখেই সুখ 

থকাৰ তোমাৰ অভিনয়ৰো মই সৰ্বশ্ৰেষ্ঠ দৰ্শক, 

দুখৰ প্ৰকোপত পৰাস্ত নহবলৈ তোমাৰ পৰাই শিকা

লগত থকা অলপমান সুখৰ শকতিৰে ... 

এইবোৰৰ বাবেই তোমাক ভাল লাগে নেকি

নাই নাজানোঁ

কি কাৰণে? কিয়? 

কিন্তু তোমাক ভাল লাগে, ভালপাওঁ

সুহৃদয়েৰে, সযতনে ............ 

গল্প- বদঅভ্যাসৰ শেষ ফলাফল

#বদঅভ্যাসৰ_শেষ_ফলাফল

                   ✍ৰাজ্জাক আলী

                    

প্লাৱিতাক আজি ঘৰৰ পৰা আৰক্ষীয়ে হেনকাফ  লগাই লৈ গৈছে। তাই হাইস্কুল শিক্ষান্ত পৰীক্ষা আৰু উচ্চতৰ মাধ্যমিক পৰীক্ষাত সুখ্যাতিৰে উত্তীর্ণ হৈ মহাবিদ্যালয় এখনত পঢ়ি আছে। দেখা শুনাই সহজ সৰল অমায়িক ছোৱালী। তেন্তে কিয় 

আৰক্ষীয়ে হেনকাফ লগাই নিছে। কাৰো লগতে বেয়া ব্যৱহাৰ নকৰা ছোৱালী জনী। গাঁওখনত হুৱাদুৱা লাগিল। মাক-দেউতাকৰ মুখৰ মাত নাই। 

ৰাইজৰ মাজত মনে সজা ফুচ ফুচ ফাচ ফাচ বাৰ্তা

। গাওঁৰে এজনে ৰ'ব নোৱাৰি আগবাঢ়ি আহি আৰক্ষীক সুধিয়ে পেলালে ,কিয় আমাৰ ছোৱালী জনীক ধৰি নিছে, কি কৰিলে তাই?? 

মহিলা আৰক্ষী বিষয়া গৰাকীয়ে কলে "মহাবিদ্যালয়ৰ পৰা লেপটপ চোৰ কৰিলে তাই"। সেই চুৰিকাৰ্যৰ অনুসন্ধান কৰি অৱশেষত প্লাৱিতা যে তাৰ লগত জড়িত শেষ কথা প্ৰমাণিত হ'ল। ঘৰৰ পৰা লেপটপ জব্দ। 

সমাজে বিশ্বাস কৰিব নোৱাৰা ঘটনা। প্লাৱিতাই এনে কাম কৰিব পাৰে জানোঁ... ডাঙৰ প্ৰশ্নবোধক। 

 প্লাৱিতাৰ মাক এখন প্ৰাথমিক বিদ্যালয়ৰ শিক্ষয়ীত্ৰি, দেউতাক  বিত্তীয় বিভাগৰ এখন কাৰ্যালয়ৰ চতুর্থ বৰ্গৰ কৰ্মচাৰী। ঘৰখনত থকা তিনিগৰাকী শিক্ষিত। পৰিয়ালটো ঠিকে ঠিকে চলি থাকে। সমাজত প্লাৱিতাৰ লগতে মাক -দেউতাককো মানুহে সন্মানৰ দৃষ্টিৰে চায়। 

কিন্তু প্লাৱিতাৰ সেই চুৰিকাৰ্যই সমাজৰ দৃষ্টিত নাক কাটিল তেওঁলোকৰ সন্মান। 

প্লাৱিতাৰ এই অপকৰ্মৰ আৰঁত কি? 

তাই কিয় চুৰি কৰিব লগা হ'ল? 

আগত কৰবাত চুৰি কৰাৰ ৰেকৰ্ড আছে নেকি? 

চুৰি কাৰ্য কৰিবলৈ কত উৎস পালে? 

প্ৰশ্নবোৰ মানুহৰ মুখে মুখে, ৱেব পৰ্টেলত বোৰত বাজি উঠিল। সময় বাগৰাৰ লগে লগে

লাহে লাহেকৈ উৰহীৰ উৰ ওলাবলৈ আৰম্ভ কৰিলে। কিমান দিন লুকাই থাকিব। 

প্লাৱিতাৰ জন্মৰ আগৰে পৰা দেউতাক চাকৰিয়াল আছিল আৰু মাক তাই জন্মৰ দুবছৰ পাছত চাকৰিটো পালে। দেউতাক জিতেনে নিতৌ অফিচৰ পৰা যাওঁতে বহুত বস্তু লৈ যায় ঘৰলৈ। পত্নী পমীয়ে কৰ পৰা আনিলে , ইমান টকা কত পোৱা নিতৌ বস্তুবোৰ আনিবলৈ, এদিনো সুধা নাই। পমীয়ে প্ৰথমে গম পোৱা নাছিল যদিও পিছলৈ গম পালে যে অফিচৰ পৰা চুৰি কৰি জিতেনে নিতৌ ঘৰলৈ বস্তু আনে। অকল খোৱা  বস্তুৱে নহয় সুযোগ লৈ বহুত বস্তু অলপ অলপ ঘৰলৈ চুৰি কৰি নিয়ে।পত্নী পমী শিক্ষয়ীত্ৰি হৈয়ো জিতেনক এদিনো মনা নকৰিলে চুৰি নকৰিবলৈ, বৰঞ্চ তাই যেন ভালহে পায়। টকা খৰচ নকৰাকৈ ইমান বস্তু ঘৰলৈ অহাৰ বাবে। অফিচত তাৰ কথা গম পাই সকিয়নি দিয়াৰ দুদিনমান ঠিক থকাৰ পাছত পুনৰ আৰম্ভ হৈ যায়। অফিচৰ পৰা উলিয়াই দিম বুলি কোৱাত পমী অফিচলৈ আহি কান্দোনৰ ৰোল।চাকৰিটো হেৰালে চলিব নোৱাৰা হৈ পৰিব হেনু। তাতে ছোৱালীৰো পঢ়াৰ খৰচ। এনেকৈ কোনোমতে চাকৰিটো হেৰুৱাৰ পৰা বচায়। এই সৰু সৰু বস্তু চুৰি কৰি অনাৰ পৰিবেশ প্লাৱিতাই সৰুৰে পৰাই দেখি আহিছে। বস্তু চুৰি কৰিও প্ৰয়োজন পূৰাব পাৰি বুলি তাইৰো মনৰ কোনোবাখিনিত বীজ এটাই পোখা মেলিবলৈ আৰম্ভ কৰিছিল। আৰু এদিনাখন সেই পোখাই ডাঙৰ বৃক্ষ হৈ পৰিল। 

আজি প্লাৱিতা জেলত। সমাজতো তেওঁলোকৰ পৰিয়ালৰ প্ৰতি লাহে লাহেকৈ বেয়া ভাৱ এটা সোমাই গল। জিতেন আৰু পমী অনুশোচনা কৰিবলৈ ধৰিলে। জিতেনৰ অফিচৰ চাৰিবেৰত থকা কথাটো সমাজৰ সকলোৰে মুখে মুখে প্ৰচাৰিত হবলৈ ধৰিলে। এনে পৰিস্থিতিত সি চাকৰি কৰা অফিচখনৰ পৰা তাক চিৰদিনৰ বাবে বৰ্খাস্ত কৰিলে। আনফালে পমীয়েও শিক্ষকৰ চাকৰিটো হেৰুৱাব লগীয়া হল। প্ৰয়োজনীয়তাখিনিৰ অভাৱ নথকা ঘৰখনত আজি একোৱেই নোহোৱাৰ দৰে হৈ পৰিল। ঘৰখনলৈ বুলি আহিল বদনাম,লাঞ্ছনা, বেয়া ভাৱ, ইত্যাদি ইত্যাদি। সমাজত মুখ দেখাব নোৱাৰা হল তেওঁলোকে। ঘৰৰ বাহিৰলৈ খোজ দিয়েই বহু মানুহে শুনাই শুনাই কবলৈ ধৰা হল "নিজৰ লগতে সৰু ছোৱালীজনীকো চুৰি কাৰ্য্য শিকালে, লাজ নাই এনে মাক-দেউতাকৰ"। তেওঁলোকৰ পৰিয়ালটোৰ অৱনতিৰ কাৰণ তেওঁলোক নিজেই, কাকো দুখিবও নোৱাৰে। যদি জিতেনে নিজৰ অফিচত বস্তু চুৰ কৰাৰ কাৰবাৰটো নকৰিলে হয়, যদি পমীয়ে জিতেনক চুৰি কৰি বস্তু ঘৰলৈ অনাত ধমকী বা বুজনি দিলেহেঁতেন,শিক্ষয়ীত্ৰি হৈয়ো তাই এদিনো সেই কামটো নকৰিলে, লোভৰ আগত যেন সকলো 

পাহৰি পেলাইছিল ।আটাইতকৈ লাজৰ কথা এটকা উপাৰ্জন নকৰা জীয়েকে লেপটপ কৰ পৰা আনিল সেই কথা সুধাৰ প্ৰয়োজনবোধ নকৰিলে জিতেন আৰু পমীয়ে । কি আচৰিত। পৰিণতি আজি চকুৰ সন্মুখত।  এতিয়া অনুশোচনা কৰি কি হব। সহজলভ্যৰে সুখ বিচৰাৰ পৰিণতি সন্মুখত তেওঁলোকৰ। প্ৰাথমিক বিদ্যালয়ত সকলোৱে পঢ়ি অহা "লোভেই পাপ, পাপেই মৃত্যু" কথাটিৰ দৰেই পৰিয়াল টি একপ্ৰকাৰৰ মৃত প্ৰায় হোৱাদি হল। প্লাৱিতা  জেলত আৰু জিতেন, পমী মনৰ অন্ধকাৰ জেলত বন্দী হৈ পৰিল। যি অন্ধকাৰে পোহৰৰ বাট দেখুৱাটো একপ্রকাৰৰ ক্ষীণ হৈ পৰিল।

"

মোৰ মনৰ কলমে তোমালৈ বুলি অকাঁ শব্দ বাক্যৰ ছবিটি"

(আজি  দিপলীনাৰ শেহতীয়া ফটোকপি চাই কিবা এটা লিখিবলৈ মন গ'ল)
________________________________
                                           ✍ৰাজ্জাক

তোমাৰ চকুৰে মৰম বৰষে,
চকুযুৰিত অহংকাৰ শূণ্য বিশাল ছবি
উপভোগ কৰি ভাল লাগে

চুলিকোচাৰ দুই চাৰিডাল আহি যেতিয়া   বতাহৰ পৰশত
তোমাৰ দিম্পলভৰা দুগালত পৰেহি,
য'ত অকৃত্রিম হাঁহিৰ  বিচৰণ প্ৰায় প্ৰতি সময়ে,
ভাল লাগে।

মোৰ মনৰ কলমে আজিলৈ যিমানদূৰ তোমাৰ মন-হৃদয়ক অধ্যয়ন কৰিলে
সুন্দৰ মনৰ, সকলো মনৰ সৈতে মিলিব পৰা,
আনন্দ বিলাই ভাল পোৱা, হাঁহি উপহাৰ দিব পৰা,
কোমল হৃদয়ৰ জীৱন বিচাৰি পালে,
কৃত্রিমতাৰ  স্থান নাই য'ত ...
শব্দ-বাক্যৰে তাকে আঁকিবলৈ যত্ন কৰিলোঁ
(সদায় এনেদৰেই বিচাৰোঁ)

তোমাৰ মুখৰ পৰা প্ৰবাহিত শব্দ বাক্যবোৰ
ইমান সৰলতাৰে -কোমলতাৰে বিতৰণ কৰা,
অপূৰ্ব, অতুলনীয়...
শিকাৰু দেই মই এনেবোৰ সুন্দৰ বতৰাৰ,
কথাত মণি মুকুতা সৰাটো সহজ কথা নহয়,
মুখৰ মাতষাৰ শ্ৰেষ্ঠ সম্পদ মানৱ জীৱনত
শ্ৰদ্ধা কৰোঁ সদায়

অভিনয়-কণ্ঠৰ  কথা
নতুনকৈ নকওঁ,
যদিও লিখিতভাৱে কোৱা নাই
সকলোৰে দৰে মোৰো প্ৰিয় তোমাৰ প্ৰতিটো গীত,
সু অভিনয়ৰ ময়ো দৰ্শক

এই যে তোমাৰ মিঠাকৈ মিছিকিয়া হাঁহিটি
য'ৰ মোহনা মন-হৃদয় ,
মুকলি /বহল সেই মন-হৃদয়ক  সন্মান যাঁচিলো
অনুৰাগী আমি(মই) তেনে মুকলি/বিশাল মন-হৃদয়ৰ।।

(বি . দ্ৰ .---ক্ৰাছ সকলে দায়-দুখ নধৰে যেন🤣 আমাৰো প্ৰিয় আৰু মৰমৰ শিল্পী তাই)

 

তোমাক_ভালপাওঁ

মোৰ মাতৃভূমি তোমাক ভালপাওঁ
তোমাৰ কেচাঁ মাটিত উমলি মই ডাঙৰ হ'লো,
খোজ কাঢ়িব শিকিলো
এটি দুটিকৈ কথা পাতিব শিকিলো

তোমাক ভালপাওঁ 'মা'
তোমাৰ গৰ্ভৰ পৰাই মই.....
প্ৰতিগৰাকী মাতৃক ভালপাওঁ
মাতৃৰ বাবেই সন্তানে....
মাতৃৰ কাষত সন্তান চিৰঋণী

প্ৰতিগৰাকী সভ্য মানুহক ভালপাওঁ
যাৰ বাবে আজিৰ বিভীষিকাৰ মাজটো পৃথিৱী শুৱনী
যিয়ে অহৰহ চেষ্টা কৰে অশান্তি সন্ত্ৰাস নাশ কৰিবলে
সন্ধান কৰে শান্তি,বন্ধুত্ব ,ভ্ৰাতৃত্ববোধৰ...

প্ৰতিগৰাকী গায়ক-গায়িকাক ভালপাওঁ
যিসকলৰ গীতৰ পৰশে....
প্ৰতিগৰাকী কবিক ভালপাওঁ
যিসকলৰ কবিতাৰ স্পন্দই...

কিতাপ পঢ়ি ভালপাওঁ
যিবিলাক কিতাপে
জীবন বাটৰ খোজত...

কলম ভালপাওঁ
কলমে জীবনৰ বাটবোৰ প্ৰতিপলে
উন্নয়নৰ দিশে ..
কলমক ভালপাওঁ
কলমৰ নিপডালৰ পৰাই জন্মলাভ কৰে অগণণ ...

অগ্ৰজসকলক ভালপাওঁ
তেওঁলোকে দেখোৱাই দিয়ে জীবনক কেনেকৈ...

বন্ধুত্বক ভালপাওঁ
যাৰ মিঠা স্পৰ্শই দি যায় জীবন চিত্ৰত বহু ৰং...
বন্ধুত্বক ভালপাওঁ
জীবনত সাথঁৰ যেন লগা বহু কাম বন্ধুত্বৰ সাহসত...

প্ৰেম ভালপাওঁ
জীবন প্ৰেয়সীক ভালপাওঁ
প্ৰেম সৃষ্টিৰ আধাৰ
প্ৰেয়সীয়ে জীবনৰ কঠিনতাৰ সময়ত
জীবন বাটৰ দুৰ্যোগৰ সময়ত প্ৰতিটো ক্ষণতে প্ৰেৰণা দিয়ে,সাহস দিয়ে
প্ৰেমৰ মিঠা সুবাসে অসম্ভৱ কামো সম্ভৱ কৰে

পৰিবেশ ভালপাওঁ
গছ-গছনি ভালপাওঁ
ফুল ভালপাওঁ
ফুলেৰে আবৃস্ত ফুলনি ভালপাওঁ
আকাশ ভালপাওঁ,
বৰষুণ ভালপাওঁ,
সূৰুজক ভালপাওঁ,
সূৰুজৰ ৰশ্মিক ভালপাওঁ,
জোনক ভালপাওঁ,
জোনাক ৰাতি ভালপাওঁ,
গ্ৰীষ্মক ভালপাওঁ,
শীত ভালপাওঁ
সেই পৃথিৱী তোমাক মই ভালপাওঁ

                                   "বায়েক"

   ****************************************************************************

                                                                   ✍ৰাজ্জাক

জীৱন  বাটত বিভিন্ন সম্পৰ্কৰ ভিতৰত বায়েক বোলা সম্পর্কটো বহুতেই গুৰুত্বপূৰ্ণ। বায়েকে ভায়েকলৈ মৰম, লঘু শাসন, সাহস ৰ বাহাৰ চাদাবাহাৰ কৰি থাকে। যাৰ বাবে ভায়েক বোৰ মনৰ শক্তিশালী হয়। মনত শক্তি থাকিলে দেহৰ শকতি নিজে নিজে বৃদ্ধি পায়। 

বায়েকক বিশেষকৈ ডাঙৰ বায়েকক মাতৃৰ সম জ্ঞান কৰা হয়। মা ৰ পিছতে যদি জীৱনত সৰুৰ পৰা সময়ে সময়ে ভায়েকক আটাইতকৈ বেছি শুশ্রূষা কৰে সেয়া হ'ল ডাঙৰ বায়েক। ভায়েকৰ "সৰুৰ  পৰা ডাঙৰ যিকোনো অসুবিধা, সেয়া মনৰে হওঁক বা দেহৰ অনুধাৱন কৰি যিকোনো প্ৰকাৰে সমাধান কৰাত বায়েক উঠি পৰি লাগে। আনকি মা'ক কব নোৱাৰা বহুত কথা ভায়েকে বায়েকৰ লগত অনায়াসে  বিনিময় কৰিব পাৰে। বায়েক-বায়েকৰ  বন্ধুত্ব ৰ সম্পৰ্কে যদিও ইমান প্ৰাকাশ্য নহয়, তথাপিও এই সুবাস লাভ কৰা সকলেহে উপলব্ধি কৰে ইয়াৰ মধুৰতা  আৰু তাৎপৰ্য কিমান .....

মোৰ জীৱনটো বায়েকৰ ফুলনিখন বিৰাট ধুনীয়া। যি ফুলনীৰ ফুলৰ সুবাসে জীবনৰ ছবিত  মাদকতা প্ৰদান কৰি আহিছে। জীৱনৰ ঘাট -প্ৰতিঘাত, সুখ- আনন্দ সকলো সময়তে ভায়েকৰ কাষৰত বায়েক। জীৱনৰ সন্মূখলৈ থকা বোকাময় বাটবোৰ কিদৰে পকী কৰিব পাৰি তাৰ শিক্ষা প্ৰতিক্ষণতে বায়েকৰ পৰা। বায়েকৰ প্ৰতি থকা শ্ৰদ্ধা আদৰে বেয়া কৰ্মৰ পৰা শত খোজ দূৰত ৰাখে,সেয়াও বায়েকৰে অৱদান। 

বায়েকক ভাল কৰ্মৰ ফলাফল দেখাও দেখাও মনটোৱে কৈ থকাৰ বাবেই পূৰ্বতকৈ বহু বেছি পৰিমাণে ইতিবাচক কৰ্মৰ সংখ্যা বাঢ়ি গৈছে। ক্ৰেডিট সেয়াও বায়েকৰে। 

এইয়াও নহয় যে বায়েক বোৰৰ পৰা কেৱল মৰমে পাওঁ। ধমকী/দমো খাইছোঁ, হয়টো পিটন  খাইছোঁ চাগে (পাহৰিলোঁ) । সেইবোৰে আচলতে জীৱন সজোৱাত সহায়হে  কৰিছে।

মোৰ জীৱন বোলা কিতাপখন পঢ়াত শ্ৰেষ্ঠ পাঠকৰ দায়িত্বত বায়েক,  শ্ৰেষ্ঠ সমালোচকৰ দায়িত্ব টো বায়েক। 

জীৱন কিদৰে পৰিচালনা কৰিব লাগে, জীৱনৰ ছবিবোৰত ক'ত কেনেকৈ বিচৰা মতে ৰং সানিব পাৰি তাৰো উচ্চ শিক্ষা বায়েৰৰ পৰা। ত্যাগ কৰিব পৰা গুণৰ মাত্রা বৃদ্ধি কৰাৰ আৰঁতো বায়েক।

মনোবল, সাহসৰ গভীৰতা বৃদ্ধি কৰাৰ আৰঁতো বায়েক।

মুঠৰ ওপৰত ভায়েক জীৱনলৈ বায়েকৰ অৰিহণা বহুত। কিমান লিখিব সিমানেই শব্দ-বাক্য বাঢ়িব।

এই কথা সেই প্ৰতিগৰাকী ভায়েকে ভালকৈ হৃদয়ঙ্গম কৰিব পাৰে যাৰ শিৰত বায়েকৰ আশীর্বাদ ভৰা, প্ৰেৰণাদায়ক, মৰমীয়াল হাতখন সদায়ে আছে।।

                       "বেংকৰ প্ৰেমত পৰা ল'ৰাটো"

                                                                   ✍ৰাজ্জাক আলী

অম্লান আজিকালি বেছিকৈয়ে বেংকত অহা-যোৱা হৈছে। প্ৰায় প্ৰতিদিনে বেংকৰ চাৰিবেৰৰ মাজত আবদ্ধ হয় সি। নিজৰ বেংকৰ লেনদেনত যিটো কাম এদিনতে  হয়, সেয়া সি অলপ অলপ কৈ চাৰি পাঁচদিন লগায়।
কোনোবা দিন তাৰ নিজৰ কাম নাথাকিলেও আনৰ সৰু কাম এটা লৈ হ'লেও বেংকত এভুমুকি মাৰে।
কিন্তু কিয়? এই
কিয় টোৰ উত্তৰ শিৰোনামটো  নহয় আচলতে,
বেংকৰ প্ৰেমত পৰা নাই অথবা এ চি ৰ বতাহ খাবলৈও  সি বেংকলৈ নাহে ।
আচল  কথাটো হ'ল
প্ৰেমত পৰিছে সি , বেংকতে কৰ্মৰত এজনী ছোৱালীৰ প্ৰেমত। তাইৰ নামটো পাকে প্ৰকাৰে কাৰোবাৰ পৰা এদিন উলিয়াইছিল সি।
নামটো পোৱাৰ পিছত কিবা এটা বিশেষ ফূৰ্তি পোৱাৰ দৰে কৰিছিল। কাৰণ তাৰ উপাধিৰ  লগত তাইৰ উপাধি একেই, আৰু কি লাগে।
তাইক চাবলৈকে সি বেংকলৈ সময় উলিয়াই আহেই দিনটোৰ কোনোবা এটি সময়ত।
তাইৰ কেবিনত সুধিব নলগীয়া কথাটোও তাইৰ কাষলৈ গৈ সুধেগৈ। সুবিধা পালেই মনৰ কথা কৰবাত লগ হৈ ক'ব বুলি ভাবি থাকে।

কিন্তু আজি বেংকলৈ আহি অম্লানৰ মনৰ আকাশ পটককৈ ডাৱৰীয়া হৈ পৰিল। বতৰে কেতিয়া ৰূপ সলাই কোনেও নাজানে।হিন্দী গীত এটিয়ে  আছে। "মৌচম কি তাৰাহ তুম  ভি বদল ত নাজাওগি"
মানে বতৰৰ কোনো ভৰষা নাই।
সেউজীয়া সেউজীয়া লগা বেংকত উদযাপন কৰা সময়বোৰ এটি এটি পাত সৰি পৰাৰ দৰে পৰি নাইকীয়া হৈ গ'ল।
আজি তাই শাড়ি পিন্ধি আহিছে। সদায় চুইজাৰ পিন্ধি আহে। শিৰত সেন্দুৰ টো জিলিকি আছে।

অম্লান এ একো বুজি নোপোৱাৰ দৰে হৈ পৰিল।দুখৰ বৰষুণে বুজিব পৰা শক্তিকণ হেৰুৱাই পেলালে বেচেৰাটোৰ।
কালি যদি বিবাহ হ'ল তাইৰ, আজিটো বেংকলৈ নহাটো স্বাভাবিক। কিন্তু কিয় তাই বেংকলৈ আহিছে।
সাহস নহ'ল তাইক সুধিবলৈ।
বহু সময় থিয় হৈ শেষত বহি পৰিল কাষৰ চিটত।
অৱশেষত তাইৰ কাষৰ গৰাকীয়ে কিবা এটা শুভেচ্ছা দিয়াৰ কথা কৈ আছিল। তাৰ কাণত পৰিল।
সি ভালকৈ শুনাত  গম পালে যে
সেই শুভেচ্ছা তাইৰ বিবাহ বাষির্কীৰ আছিল।
আজি দুবছৰ হ'ল তাইৰ বিবাহৰ। সেয়ে আজি অলপ বেছিকৈ সাজি কাচি আহিছে।

বেচেৰা অম্লান।
ইমানদিনে বুকুৰ মাজত লৈ ফুৰা সপোনবোৰ থানবান হৈ পৰিল। বেচেৰাটোৰ  নিজৰে ভুল। তাইৰ
নামটো কেৱল সন্ধান কৰিয়েই ইমান দূৰ আগবাঢ়িব নালাগিছিল।
"বেংকৰ প্ৰেমত পৰা ল'ৰাটো" শিৰোনামটো অৱশেষত বিপৰীত হৈ পৰিল।।

"শিক্ষক/শিক্ষাগুৰু হোৱাটো বৰ  সহজ কথা নহয়"

                                                                                                                         ✍ৰাজ্জাক আলী

               এগৰাকী মানুহৰ জীৱনত শিক্ষকৰ অৱদান অপৰিসীম ।এটি জীৱন  শিক্ষাগুৰুৰ  অবিহনে আধৰুৱা ।জীৱনৰ খোজবোৰ শিক্ষাগুৰুৰ সু শিক্ষা দীক্ষাৰ বাবে সু ঠাইলৈ যাত্ৰা কৰে।

শিক্ষাগুৰু বুলিলেই  চকুলৈ-মনলৈ আহে সৎ,সৰল,নিৰপেক্ষ, নিকা ,সুন্দৰ এটি এটি চেহেৰা,মন  ।
আজিও প্ৰাথমিক  বিদ্যালয়ত পঢ়োৱা শিক্ষাগুৰুৰ সমানে খোজ নাকাঢ়ো। লগ পালেই আমি সৰহভাগেই নমস্কাৰ জনাই মাত এষাৰ  লগাই  আহোঁ।
প্ৰাথমিক  বিদ্যালয় ৰ কথা এয়ে প্ৰথমে ক'লো কাৰণ বহু বছৰ আগতে এৰি আহিলোঁ ।কিন্তু  সেই সৎ সৰল শুদ্ধ মনৰ শিক্ষাগুৰুৰ প্ৰতি শ্ৰদ্ধা আজিও সমানে।
ঠিক  তেনেদৰে হাইস্কুলৰ সন্মানীয় শিক্ষাগুৰু , মহাবিদ্যালয়ৰ সন্মানীয় শিক্ষাগুৰু, বিশ্ববিদ্যালয়ত লগ পোৱা সন্মানীয় শিক্ষাগুৰুৰ প্ৰতি শ্ৰদ্ধা সমানে। এই যে সন্মান -শ্ৰদ্ধা এগৰাকী শিক্ষা গুৰুৱে যুগ যুগ ধৰি লাভ কৰি থাকে, সেয়া তেওঁৰ/তেখেতৰ প্ৰকৃৃত শিক্ষাকতাৰ মানপত্র।

         শিক্ষাগুৰু কেৱল যে কেইখনমান চাৰ্টিফিকেট আৰু উচ্চ শিক্ষা অৰ্জন  কৰিলেই নহ'ব ,লগত লাগিব এটি এটি উচ্চ ভাৱাসম্পৰ্ণ নিকা মন,প্ৰতি সময়ে নিৰপেক্ষ  আৰু ইতিবাচক চিন্তাধাৰা, ত্যাগ ,সৎ স্বভাৱৰ গৰাকী সেয়া তেওঁলোকৰ  পৰা প্ৰতি সময়ে শিকিছোঁ।

           কিন্তু  সময়ৰ তাগিদাত  সময়ে সময়ে আমি দেখিবলৈ পাওঁ বিশেষকৈ বৰ্তমান সময়ত এচামে শিক্ষকটো হয় পৰে,শিক্ষাগত অৰ্হতাৰ পৰা ,কিন্তু আন প্ৰয়োজনীয় অৰ্হতাবোৰৰ অভাৱত শিক্ষকৰ পদমৰ্যাদা বিনষ্ট কৰে।

 শিক্ষকৰ চাৰ্টিফিকেট  পালে শিক্ষক হৈ গ'ল। 

কিন্তু নিৰপেক্ষ  নহ'ল।

শিক্ষক হৈ নিজ ধৰ্মৰ বাহিৰে অন্যান্য ধৰ্মক অপমান, উচ্চ-নীচ বিবেচনা,
শিক্ষক হৈ ঠেক মনোবৃত্তি,
শিক্ষক হৈ অনৈতিক কাৰ্য,
শিক্ষক হৈ অসৎ স্বভাৱ,
শিক্ষক হৈ নেতিবাচক চিন্তা...

সেয়া প্ৰকৃত অৰ্থত শিক্ষক হ'লনে?? বৃহৎ প্ৰশ্নবোধক সেয়া ... 

     প্ৰকৃত শিক্ষক/শিক্ষাগুৰুৰ গুণগত মানদণ্ডৰ সম্পূৰ্ণ অভাৱ এইচামৰ মাজত।

পৃথিৱীৰ আটাইতকৈ শ্ৰেষ্ঠ কৰ্ম হ'ল শিক্ষকতা।
শিক্ষকতা নাথাকিলে ডাক্তৰ, অভিযন্তা, নতুন শিক্ষক,বিজ্ঞানী ইত্যাদি সকলো কেতিয়াবাই নাইকীয়া হৈ গ'ল হয়।আটাইতকৈ ডাঙৰ কথা প্ৰকৃত শিক্ষকৰ শিক্ষাৰ দ্বাৰাহে মানৱতাৰ সৃষ্টি ।মানৱ সম্পদৰ সৃষ্টি।
শিক্ষকতা ৰ সুফলৰ বাবেই নতুন নতুনকৈ জীৱন অংকুৰিত হৈ আছে।
কিন্তু মনে  প্ৰাণে প্ৰকৃত শিক্ষাগুৰুৰ বাবেহে এইবোৰ সম্ভৱ। 

শিক্ষক /শিক্ষাগুৰু হোৱাটো বৰ সহজ কথা নহয়  অ। পুনৰ কওঁ
কেইখনমান চাৰ্টিফিকেট আৰু শিক্ষাবৰ্ষ উত্তীৰ্ণ হ'লেই শিক্ষাগুৰু নহয় প্ৰকৃতাৰ্থত ,

শিক্ষাগুৰু হ'বলৈ বহল-নিকা মন, সু-উচ্চ চিন্তাধাৰা, বহুল

ত্যাগ কৰিব পৰা অৰ্হতা লাগিব।

           মমৰ লগত তুলনা কৰা হৈছিল  বহু যুগ পূৰ্বেই শিক্ষকতাক।

 যি নিজে জ্বলি জ্বলি পোহৰ বিলাই,প্ৰকৃত মানুহ সৃষ্টি কৰে।

শিক্ষক-শিক্ষাগুৰু হোৱাটো বৰ প্ৰকৃতাৰ্থত বৰ কঠিন কাম।সহজলভ্য হ'লেই বিপথে পৰিচাৰিত হয় ।

       ৰিজাল্ট, ভাল ৰিজাল্ট আৰু আত্মহত্যা

                       -----------------------------------------------------------------------------------------------

                                                                     ✍ৰাজ্জাক আলী

জীৱন বাটৰ বিভিন্ন সময়ত আমি বিভিন্ন পৰীক্ষাত অৱৰ্ত্তীণ হ'বলগীয়া হয়।যাৰ ফলাফল বা ৰিজাল্ট কেতিয়াবা ভাল আৰু কেতিয়াবা বেয়া হয়, কেতিয়াবা ভাল হ'লেও ভবামতে বা আশা কৰা মতে ভাল নহয়। এইয়া স্বাভাৱিক। 

বৰ্তমান সময়ত আনুষ্ঠানিক শিক্ষাৰ পৰীক্ষা সমূহৰ ৰিজাল্ট দিবলৈ আৰম্ভ হৈছে। হাইস্কুল শিক্ষান্ত পৰীক্ষাৰ ৰিজাল্ট ওলাল। শিক্ষাৰ্থী সকলৰ কোনোবাই অসমৰ ভিতৰত শীৰ্ষ ২০ তালিকাত স্থান পালে, কোনোবাই ডিচিংশ্বন, ষ্টাৰ মাৰ্ক পালে, কোনো কোনোৱে প্ৰথম বিভাগত, দ্বিতীয় বিভাগত, তৃতীয় বিভাগত উত্তীর্ণ হ'ল। আনহাতে কোনো কোনো শিক্ষাৰ্থী য়ে ৰিজাল্ট বেয়া কৰিলে  । 

মেট্ৰিক পৰীক্ষা অৰ্থাৎ  হাইস্কুল শিক্ষান্ত পৰীক্ষা এগৰাকী শিক্ষাৰ্থীৰ জীৱনৰ আটাইতকৈ চাপযুক্ত পৰীক্ষা। 

চাপযুক্ত এইবাবেই কৈছোঁ, কাৰণ শতকৰা ৯৫ শতাংশ শিক্ষাৰ্থীৰ মন-মগজুত এই পৰীক্ষাৰ সম্পর্কত এনে ভাৱে অন্তর্ভুক্ত কৰি দিয়া হয় যে যদি এই পৰীক্ষাত ভাল ফল দেখুৱাব নোৱাৰে তেন্তে জীবন সম্পূর্ণ ভাৱে পৰাস্ত হৈ পৰিব, জীবনত আগবঢ়াৰ সকলো পথ- উপপথ বন্ধ হৈ পৰিব, অচল হৈ পৰিব জীৱন। 

    পৰীক্ষাৰ ভাল ৰিজাল্ট?? 

কাক কয়, ভাল ৰিজাল্ট? 

সেয়াও বিভ্রান্তিকৰ ... 

এই বাবেই বিভ্রান্তিকৰ কৈছোঁ কাৰণ এটা ৰিজাল্ট এচামে ভাল বুলি ক'লেও আন এচামৰ মতে সেয়া ভাল ৰিজাল্ট নহয়। সন্তুষ্ট নহয় তেনে ৰিজাল্টক লৈ। 

আৰু তাৰ লগে লগে শিক্ষাৰ্থীৰ ওপৰত বিভিন্ন ধৰণেৰে চাপ দিয়া পৰিলক্ষিত হয়। 

  

 তৃতীয় বিভাগত উত্তীর্ণ হোৱা গৰাকীক দ্বিতীয় বিভাগত কিয় উত্তীর্ণ নহ'ল তাৰ চাপ ... 

দ্বিতীয় বিভাগত উত্তীর্ণ হোৱা গৰাকী প্ৰথম বিভাগত কিয় উত্তীর্ণ নহ'ল তাৰ চাপ  ... 

প্রথম বিভাগত উত্তীর্ণ হোৱা গৰাকী কিয় ডিচিংশ্বন, ষ্টাৰ, নাপালে তাৰ চাপ ... 

লেটাৰ মাৰ্ক নোপোৱাৰ চাপ .. 

আনকি স্থান লাভ কৰা কেইগৰাকী কিয় আৰু কেইটামান নম্বৰ যোগ কৰিব নোৱাৰিলে তাৰো চাপ ... 

এই "চাপ"টোৱে ভাল ৰিজাল্ট কাক কয় বিভ্রান্তিকত পেলায়  ... 

আৰু যদি কেনেবাকৈ ৰিজাল্ট বেয়া হৈ গ'ল তেনে সেই শিক্ষাৰ্থী ৰ কি অৱস্থা হয় ভাবিব নোৱাৰি। জীৱনত যেন সকলো শেষ এচামৰ ব্যবহাৰ তেনে শিক্ষাৰ্থী ৰ প্ৰতি .... 

আত্মহত্যা; 

পৰীক্ষাৰ ফলাফলৰ লগত নো আত্মহত্যা কিদৰে জড়িত.... 

যিমান দিনৰ পৰা মগজুৱে বুজি পোৱা হৈছে সেইদিনৰ পৰাই প্ৰতিবছৰে মেট্ৰিকৰ ৰিজাল্টৰ দিনা অসমত কৰবাত নহয় কৰবাত শিক্ষাৰ্থীয়ে আত্মহত্যা কৰিছে। কেৱল ময়েই নহয়, এই লেখাটি পঢ়ি থকা প্ৰায় সকলোৱে তেনে আত্মহত্যাৰ তেনে ঘটনা দেখিছে বা শুনিছে, সেয়া নিশ্চিত। 

কিয় কৰে প্ৰতিবছৰে মেট্ৰিকৰ ৰিজাল্ট ৰ দিনা শিক্ষাৰ্থীয়ে আত্মহত্যা? 

দায়ী কোন? 

লেখাটিৰ মাজতে প্ৰকাশ পাইছে আচলতে দায়ী কোন? 

আচলতে মেট্ৰিকৰ ফলাফলক লৈ আমাৰ সমাজ ব্যবস্থাত এচাম অভিভাবক আৰু এচামে মানুহে শিক্ষাৰ্থী সকলৰ ওপৰত  পেলোৱা অতিমাত্রা মানসিক চাপৰ বাবে সিহঁতে(শিক্ষাৰ্থী) সহিব বা সহ্য কৰিব নোৱাৰি আত্মহত্যাৰ পথ বাছি লয়। 

মানে বাধ্য কৰা হয় আত্মহত্যাৰ বাবে .. অপ্ৰিয় হ'লেও সত্য সেয়া। 

কেইটামান বেছিকৈ নম্বৰ নাপালে বুলি বা অনুৰ্ত্তীণ হ'ল বুলিয়ে জীৱনত সকলো শেষ,

 মান-সন্মান নষ্ট কৰা বুলি অভিযোগ,  সামাজিক মাধ্যমৰ যোগেদি ৰাজহুৱা ঠাট্টা কৰা  ইত্যাদিৰ বাবেই প্ৰতিবছৰে বহু "মানৱ সম্পদ"

 মেট্ৰিকৰ ফলাফলৰ দিনা হেৰুৱাই আছোঁ আমি। 

চলিত বৰ্ষৰ উক্ত দিনটোতো ব্যতিক্রম নহ'ল সেয়া।

এনে হোৱা অনুচিত। 

পঢ়াটো,শিক্ষা গ্ৰহণ কৰাটো  বা পৰীক্ষা  ছাত্র-ছাত্ৰীৰ বাবে বোজা স্বৰূপ কৰি পেলোৱাটো ভাল পদক্ষেপ হ'ব নোৱাৰে। 

 

কেইটামান নম্বৰৰ বাবেই এটি এটি সুন্দৰ জীৱন,  বহু সম্ভাবনাৰ সুযোগ থকা জীৱনবোৰ এনেদৰে আধাবাটতে হেৰাই যাবলৈ নিদিব।

 এটি পৰীক্ষাত বিচৰা মতে নম্বৰ নোপোৱা বহু শিক্ষাৰ্থীও পৰৱৰ্তী সময়ত একো একোগৰাকী বিখ্যাত, লেখত ল'বলগীয়া, সমাজৰ বিভিন্ন দিশত আগৰণুৱা মানৱ সম্পদ ৰূপে প্ৰতিষ্ঠা লাভ কৰা উদাহৰণৰ অভাৱ নাই। 

গতিকে   কোমল জীৱনবোৰ যাতে হতাশাত  ভুগি এনেদৰে আত্মহত্যা নকৰে যাতে 

সেইবাবে সমাজৰ সকলো লোকে আগভাগ ল'ব লাগিব। 

শেষত এটাই কাতৰ অনুৰোধ, সমাজ ব্যবস্থাৰ এই ভয়াবহ আসোৱাহটো সমাপ্তি হওঁক সম্পূর্ণকৈ । 

 

মাহেকীয়া আলোচনীৰ পৃষ্ঠা ত

বাতৰি কাকতৰ পৃষ্ঠা ত

বাতৰি কাকতৰ পৃষ্ঠা ত

"মন পৰিস্কাৰ অভিযান "

বিশ্ববিদ্যালয়ৰ আলোচনীত প্ৰকাশিত