ঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃঃ
এটি বাৰ্তা-সাৱধানতাৰ
_______________________________
✍ৰাজ্জাক আলী
(দেউতা,
বাটৰ ভাইটিটোক চোলাটো যে উপহাৰ দিলা,
সেয়া ফটা
দেউতাক- জানোঁ )
কণমানিটিক চোলাটো উপহাৰ দিছে
সঁচাকৈ সুন্দৰ পদক্ষেপ
কিয়নো তাৰ শৰীৰ ঢাকিবলৈ কাপোৰৰ অভাৱ
কিন্তু ফটা ছিটা চোলা???
ফটা বা ফাটি যোৱা চোলা
উপহাৰত নিদিব তাক,
দুখ পাব
বেজাৰৰ ধুমুহাই ক্ষত -বিক্ষত হ'ব মন,
যেতিয়া সুখৰ উপহাৰ মেলি
দুখৰ সন্ধান পোৱা যায়
তাতকৈ বেদনাদায়ক আৰু একো হ'ব নোৱাৰে
(দেউতা,
পুৰস্কাৰ বোৰ ফটা,ৰং উৰি গৈছে
বিজয়ীসকলক এইবোৰ দিবানে?
দেউতাক-উম,এইবিলাকে দিম)
এজাক কণমানিয়ে অংশগ্ৰহণ কৰা প্ৰতিভাৰ প্ৰতিযোগিতা খনত
ফাটি ছিটি যোৱা অথবা ৰং হেৰুৱা অথবা যোগ্যতকৈ কম মূল্যৰ
পুৰস্কাৰ প্ৰদান নকৰিব
তাতে সেয়া পুৰস্কাৰ, উপহাৰো নহয়
য'ত উপহাৰতকৈ বহু হেঁপাহ নিহিত...
কষ্ট ৰ পৰিনাম পুৰস্কাৰ
তাক লৈ হেতালি নেখেলিব,
মুখা পিন্ধা সামাজিক কৰ্মী নহ'ব কেতিয়াও,
পুনৰ কওঁ
সুখটো যেতিয়া মেলি চাই
দুখৰ সন্ধান পোৱা যায়
তাতোতকৈ বেদনাদায়ক আৰু একো নাই....
সৰু ভাইটি- দাদা,তাত শৌচ নকৰিব
নিষেধ বুলি লিখা আছে চাওঁক
ককায়েক-কোনে চাইছে,
তুমি মন কৰা কোনোৱা আহিছে নেকি?
সৰু ভনীয়েক - বাইদেউ,
জাৱৰবোৰ বাটৰ কাষলৈ
দলিয়াই নেপেলাবা
স্কুলত শিকাইছে জ্বলাই পেলাব লাগে বা পুতি পেলাব লাগে
বাইদেউ - ঘৰ -বাৰীটো কিয় আবৰ্জনাময় কৰিম
পথৰ দাঁতি টো আমাৰ নহয়
তাত পেলাব পাৰি ,
সেয়া চফা কৰা দায়িত্ব আনৰ,
স্কুলৰ কথা স্কুলতে পাহৰিবা ভন্টী ....
মা-- আলহী আহিলে তুমি ওলাই নাহিবাই
পঢ়া টেবুলত বহি পঢ়ি থাকিবা
দুৱাৰখন জপাই ল'বা
সন্তান -কোন আহিব মা?
মা- সেইবোৰ গুৰুত্ব দিয়াৰ প্ৰয়োজন নাই তোমাৰ...
পঢ়াত মন দিয়া ...
অনুজে আপোনাৰ প্ৰায় সকলোখিনি বিষয়
প্ৰয়োজন বোধেৰে গুৰুত্ব দি আহিছে
কিন্তু আপুনি (অগ্ৰজ) অনুজৰ কথাবোৰ আপুনি গুৰুত্ব হীনতা ৰ শাৰীত....
এয়া কি শিক্ষা দিয়া হৈছে অনুজক,
কেতিয়াবা বহি চিন্তা কৰি চাইছেনে
আপোনাৰ সন্তান, ভাইটি ক, আপোনাৰ ভন্টীক
আপুনি যি কৰিব সেয়াই আয়ত্ব কৰিব সিহঁতে
পাহৰি নাযাব
আজি যদি আপুনি
কাইলৈ সিহঁত সমাজৰ বাহক
কাইলৈ যেতিয়া
অজস্ৰ থাকিও
বাটৰ কাষৰ আশ্ৰয়কাৰীক আপোনাৰ সন্তানে
অৱজ্ঞা কৰিব
তেতিয়া দেউতাক হিচাপে আপুনি কি ক'ব?
কাইলৈ যেতিয়া
সৰু-বৰ অনুষ্ঠান পাতি
টকাক নিজৰ জেপৰ আবাসী কৰাৰ
মানসিকতা লৈ ফুৰিব
আপোনাৰ সন্তানে,
দেউতাক হিচাপে তেতিয়া মতামত কি হ'ব আপোনাৰ?
য'ত নিষেধ বুলি লিখা থাকে
সেই নিষেধাজ্ঞা আওঁকাণ কৰি
যেতিয়া আপোনাৰ ভাইটিয়ে বিপৰীত কামবোৰ কৰিব
তেতিয়া ককায়েক হিচাপে আপুনি কি ক'ব...?
ঘৰৰ চাৰিওকাষ পৰিস্কাৰ কৰি
আবৰ্জনাবোৰ যেতিয়া আপোনাৰ ভন্টীয়ে
ৰাজহুৱা স্থান উচপাই পেলাব
বায়েক হিচাপে দুগৰ্ন্ধত নাকটো কুঁচাই
আপুনি কি বুলি মন্তব্য কৰিব?
কাইলৈ যেতিয়া
আত্মীয়তাক গুৰুত্বহীন কৰি
আপোনাৰ সন্তান
আপোনাকেন্দ্ৰীক তথা বস্তকেন্দ্ৰীক হৈ পৰিব,
পঢ়া,চাকৰী কৰা,নিজৰ লৈ ব্যস্ত থকা,ধন ঘটাকে যেতিয়া
সকলো সীমাবদ্ধ বুলি ভাবিব
আৰু আপোনালোক যদি (মা)
গুৰুত্বহীনতাৰ শাৰীত এদিন বহুৱাই...
কাইলৈ যেতিয়া অনুজ ক্ৰমত অগ্ৰজ হৈ
সিহঁতৰ অনুজৰ কথাবোৰ
গুৰুত্ব হীন বোলা ডাচবিনত পেলাই দিব,
সেই সম্পৰ্কত ন -অগ্ৰজ ৰ অগ্ৰজ হিচাপে
আপোনাৰ মতামত কি হ'ব...?
তেতিয়া আপুনি এইবুলি নক'ব
'আমি কিন্তু এনেকোৱা নাছিলোঁ, তেনেকোৱা নাছিলোঁ, আজিৰ প্ৰজন্মই সকলো পাহৰিলে'
সেয়া দায়সৰা মন্তব্য
আপুনি তেনে আছিল বাবেই
তেনে কৰ্ম কৰিছিল বাবেই
আজি সিহঁত এনেকোৱা ...
আপুনি তেনেই সাধাৰণ, সহজ বুলি সম্পাদন কৰা ভুল কৰ্মবোৰ আপোনাৰ অনুজৰ কাষতে যে কৰি থাকে শুদ্ধ বুলি চিনাকী দি,
ভৱিষ্যতে কিন্তু তাৰ ফলাফল
উল্লেখিত প্ৰতিছবি ৰ দৰেই ভয়াবহ হ'ব,
যাক গ্ৰহণ কৰিবলৈ কিন্তু আপোনাৰ সাহস নাথাকিব
সেয়ে সাৱধান হওঁক
সময় থাকোতেই .......
