" আজিৰ দিনটোক লৈ মোৰ একলম"

                          👉ৰাজ্জাক আলী


দেশৰ প্ৰথম প্ৰধানমন্ত্ৰী গৰাকীৰ উপজা দিনৰ ওলগ জনোৱাৰ লগতে প্ৰতিগৰাকী শিশুক
"শিশু_দিৱসৰ_আন্তৰিক_শুভেচ্ছা_যাচিঁলো

আজিৰ দিনটোত সচৰাচত শিশুসকলৰ প্ৰতিভাৰ ওপৰত কাৰ্যসূচী গ্ৰহণ কৰা হয়।
শিশু উপযোগী আলোচনা কৰা হয়
আলাপ হয় শিশুসকলৰ মনৰ কথাৰ

শিশুসকলৰ প্ৰতিভাৰ মঞ্চ হয় আজিৰ দিনবোৰ
তাৰ বাবেহে সুবিধা দিয়া উচিত

শিশুসকলক বয়স অনুপাতে আনন্দ কৰিবলৈ সুবিধা দিয়ক

যদি আমি শিশুক প্লেটো,এৰিষ্টটলৰ দৰে ডাঙৰ ডাঙৰ সূত্ৰবোৰ পঢ়িবলৈ ডাঙৰ ডাঙৰ কিতাপ জাপি দিওঁ তেতিয়া যি পৰিস্থিতি হ'ব শিশু মনত ঠিক তেনেদৰেই বয়সতকৈ বেছি আনন্দ কৰাৰ পৰিবেশ শিশুক প্ৰদান কৰিলে খন্তেকীয়া আনন্দৰ বাহিৰে বেয়াহে অধিক হ'ব শিশুৰ জীৱনত

আজি শিশু দিৱস
কিন্তু শিশু দিৱসৰ উদ্দেশ্যৰ বিপৰীতে গৈ
কৰবাত কৰবাত(নাম উল্লেখ নকৰো)
হিন্দী - ইংৰাজী গান ডাঙৰ ডাঙৰকৈ লগাই শিশুক নাচিবলৈ সুবিধা কৰি দিয়া হৈছে। নাচোনৰ প্ৰকাৰো অদ্ভুত ধৰণৰ... যিবোৰ গান শিশু উপযোগী একেবাৰেই নহয়, যিবোৰ নাচ শিশুৰ বাবে নহয়...

শিশু দিৱসত ফটকা-বম ফুটাই নেকি? আজি কিন্তু বম ফুটুৱাৰ সুবিধা প্ৰদান কৰা হৈছে শিশুক.....

(অভিভাৱকসকল সচেতন হওঁক দেই)

@আজিৰ দিনটোত দেখা কিছুমান মুহূৰ্তক লৈয়ে লিখিলো। ফেচবুকত দিবলৈ মন   গ'ল সেয়ে প্ৰকাশ কৰিলো@

   😁😁😂😂😃😃😃😃
                                                

                                                               👉   মঃ ৰাজ্জাক আলী



দাতঁ -( জিভাৰ উদ্দেশ্য) মোৰ বৰ অশান্তি অ....

জিভা -কেলে কি হ'ল??

দাতঁ- নক'বি আৰু এই অবধ্য অনুপ্ৰবেশকাৰী পোকবোৰে বৰ অশান্তি কৰি আছে

জিভা- গুলিয়াই দিব লাগে


দাতঁ- নাই,গুলিয়ে কাম নকৰা হৈছেগৈ। ৰকম ৰকম গুলি মাৰিছো কাম নাই। অলপ দেৰি লুকাই পিছত আকৌ ওলাই...

জিভা- তেন্তে এটা বেষ্ট আইডিয়া দিওঁ ...

দাতঁ- দে বন্ধু দে
       এইবোৰৰ পৰা ৰেহাই পাবলৈ মই যিকোনো কাম কৰিম।

জিভা-তই ঘৰ তলা মজবুতকৈ মাৰি দুদিনমান কৰবাত ফুৰিবলৈ যাগে ..তোক দেখা নাপালে  পোকবোৰ তোৰ  ঘৰলৈ অহা এৰি দিব

দাতঁ- ঠিক আছে। কিন্তু যদি তলা ভাঙি মোৰ ঘৰ দখল কৰি লয়...

জিভা- ইমান চিন্তা কিয় কৰিচ'
            মই আছো ন তোৰ চুবুৰীয়া
       চাই থাকিম তোৰ ঘৰ।
তলাৰ আশে-পাশে সিহঁতে আহিলেই ঢকিয়াই মুখৰ বাহিৰ কৰি দিম।

দাতঁ-  ধন্যবাদ বন্ধু

জিভা-স্বাগতম বন্ধু

"অসমলৈ এদিন শান্তিৰ ন'বেল বটাঁ আহিব"

                                                               👉 মঃ ৰাজ্জাক আলী
                                                                      (মৰাণহাট)
অসমলৈ এদিন শান্তিৰ ন'বেল বটাঁ আহিব
কিমান যে আকৰ্ষণীয় হ'ব সেই দিন
ন'বেল কমিটিয়ে ঘোষণা কৰা সময়ৰ পৰা
অসমলৈ আহি পোৱা সময়লৈকে
মৌ মধুৰ হৈ পৰিব সকলো

অসমী আই দুচকুৰে অশ্ৰুৰে
ভৰি পৰিব
সন্তানে শান্তিৰ ন'বেল পোৱাৰ বাৰ্তা পাই,
সেই অশ্ৰু হ'ব
সুখৰ,গভীৰ আনন্দৰ


লোহিত-বৰাকৰ চৌদিশে
একতাৰ বতাহ বলিব
ব্যাপকভাৱে
বতাহজাকে পহৰাই দিব
খণ্ডতা,বিশৃংখলতা,অৰাজকতা
একাকাৰ হ'ব সকলো

নিউজ চেনেলবোৰত

   

উপভোগ কৰি ভাল লাগিব বহু
য'ত কেৱল মাথো শান্তিৰ ন'বেলৰ খবৰ প্ৰচাৰিত হ'ব
টক শ্ব হ'ব অসমলৈ অহা শান্তিৰ ন'বেলক  লৈ

অসমৰ আকাশে বতাহে
সৰ্বচৰ্চিত শব্দ দুটা হ'ব

শান্তি আৰু ন'বেল

কিমান যে লাগিব ভাল



বাহিৰৰ অৰ্থাৎ অসমৰ বাহিৰৰ
বহুতৰ মনত অসমক হাবি বুলি ভবা আৰু বহু কিবা কিবি ভবা
ধাৰণাবোৰত ধাক্কা লাগিব
সলনি হ'ব সকলো
অসমত যিদিনাখন ন'বেল বটাঁ আহি পাব
শান্তিৰ


অসমলৈ এদিন শান্তিৰ ন'বেল বটাঁ আহিব

মন পৰিস্কাৰ অভিযান

          মন পৰিস্কাৰ অভিযান

                                                👉ৰাজ্জাক আলী

মই এটি নতুন অভিযানৰ কথা ভাবিছো। নাম প্ৰায় ঠিক কৰিলো।
নামটো হ'ব "মন পৰিস্কাৰ অভিযান"

মনবোৰ পৰিস্কাৰ হ'লে সকলো পৰিস্কাৰ হ'ব। মন পৰিস্কাৰ হ'লে পৰিবেশ পৰিস্কাৰ হ'ব। মন পৰিস্কাৰ হ'লে বাট-পথ,ৰাস্তা ঘাট পৰিস্কাৰ আৰু উন্নত হ'ব,মন পৰিস্কাৰ হ'লে ধৰণী সেউজীয়াৰে পৰিপূৰ্ণ হ'ব,মন পৰিস্কাৰ হ'লে অশান্তি আতঁৰি কেৱল শান্তি থাকিব ইত্যাদি ইত্যাদি।

দুটামান উদাহৰণ দিওঁ:-
                                  যদি মন পৰিস্কাৰ হয় তেন্তে ৰাস্তা ঘাটবোৰো পৰিস্কাৰ হ'ব। এতিয়া মন পৰিস্কাৰ হ'লে ৰাস্তা ঘাট কেনেকৈ পৰিস্কাৰ হ'ব প্ৰশ্ন উত্থাপন হ'ব
তাৰ উত্তৰ হ'ব- আজিৰ সময়ত আমাৰ ৰাস্তা-পথবোৰৰ অৱস্থা প্ৰায়েই শোচনীয় ।  নিৰ্মাণৰ  বাবে টকা আহে যদিও জখলা জখলাকৈ আহোতে কমি কমি আহে ।শেষত যাৰ হাতত পৰে তেওঁয়ো কামটো ভালকৈ নকৰাৰ বাবে ৰাস্তা -পথ দুদিনহে ধুনীয়া তৃতীয় দিনাখন একেই শোচনীয় হৈ পৰে। মন ভাল থাকিলে কামটো ভালকৈ হ'লহেতেঁন বা কৰিল হয়।

দ্বিতীয় উদাহৰণ- আমি মানুহে যদি প্ৰতিদিনেই নিজৰ কাষৰীয় ঠাইবোৰ চাফ চিকুণ কৰি থয়। জধে মধে য'ত ত'ত জাৱৰ নেপেলাই তেন্তে বিশেষ বিশেষ দিনত চফা কৰাৰ প্ৰয়োজনীয়তা নাথাকিব বোধ হয়। পৰিবেশ নিকা কৰি ৰাখিবলৈ, আৰ্বজনামুক্ত কৰি ৰাখিবলৈ পৰিস্কাৰ মন থাকিব লাগিব।

তৃতীয়তে  শিশু শ্ৰমিক বন্ধ কৰিব লাগে বুলি সকলোৱে কয়। যাৰ ঘৰত শিশু শ্ৰমিক থাকে তেওঁয়ো কয়।ঘৰত থকা শিশু শ্ৰমিকজনক কাম কৰোৱাতকৈ পঢ়োৱাৰ ব্যবস্থা কৰিব লাগে। তেনে কৰিবলৈয়ো পৰিস্কাৰ মনৰ আৱশ্যক।


চতুৰ্থতে  যিকোনো বিষয় বা সমস্যা ৰ বাবে অযথা বিতৰ্ক কৰি সমস্যাটো আৰু বৃদ্ধি কৰাতকৈ ভালকৈ আলোচনাৰ মাধ্যমেদি সমাধান কৰিব পাৰি।অসম্ভৱ নহয়। তাৰ বাবেও প্ৰয়োজন পৰিস্কাৰ  মন।

এনে হাজাৰ উদাহৰণ আছে আজি আমাৰ মাজত।

গতিকে আহক আজিৰ পৰা "মন পৰিস্কাৰ অভিযান" আৰম্ভ কৰো।

সময়সীমা - দুহেজাৰ পঞ্চাছ চন

অন্ততঃ আমি উপভোগ কৰিব নাপালেও এই পৃথিৱীৰ কোনোৱা এটা চামে মন পৰিস্কাৰ অভিযানৰ সফল ৰূপায়ন উপভোগ কৰিব পাৰিব।

       মন পৰিস্কাৰ অভিযান আৰম্ভ হওঁক ,কাৰ্যকৰী হওঁক আৰু সফল হওঁক ...

বন্ধুত্ব

      

           বন্ধুত্ব

                                     

                                                 মঃ ৰাজ্জাক আলী

                                                       মৰাণহাট
বন্ধুত্ব
   অৰ্থৰ বিৱৰণ দিয়াৰ সাহস মোৰ নাই
উৰে জীৱনৰ সাধনায়ো
বন্ধুত্বৰ নিখুঁত সংজ্ঞা দিয়াত অপৰাগত

বন্ধুত্ব,
        তুমি,মই,আপুনি ভবাৰ দৰে
    বন্ধুত্বৰ সংজ্ঞা ইমান সহজলভ্য নহয়

বন্ধুত্ব চাগে সেয়াই
   য'ত দ্বিতীয়গৰাকীয়ে গম নোপোৱাকৈ
কাষৰত অহা বিপয্যয়
প্ৰথম গৰাকীয়ে সমাধা কৰি আহিছে

বন্ধুত্ব চাগে সেয়াই
         সুখত বাটত সংগী নহ'লেও
       দুখৰ বিপদসংকুল বাটৰ সংগী লৈ খোজ দিবলৈ আগবাঢ়ি আহে

বন্ধুত্ব পিছে এয়াও নহয়
     যাৰ পৰা তুমি প্ৰতিটো কৰ্ম
 আদায় কৰিব বিচাৰিবা
আদায় নকৰিলে শূণ্য কৰিবা সম্পৰ্ক

বন্ধুত্ব  চাগে এক স্বৰ্গীয় সুৱাস
যাৰ  প্ৰকৃত   পৰশ লভিবলৈ
ভাগ্যৰ প্ৰয়োজন

বন্ধুত্ব গঢ়িবলৈ
বয়সৰ ব্যবধান নালাগে
নালাগে
নালাগে ধৰ্ম
নালাগে জাতি

প্ৰয়োজন
             সচাঁ মানৱীয় গুণৰ
দুটি মনৰ

যি মনে প্ৰকৃতাৰ্থত
                    বন্ধুত্বৰ সেউজীয়া বোৰ সন্মান কৰিব জানে




                

"ফেচবুকৰ জৰ্জ আৰু ওকালতি কোনে কোনে কৰে                 জনাবচোন  জকাৰবাৰ্গ ডাঙৰীয়া"

                                                    👉 ম:ৰাজ্জাক আলী

মোৰ বহুত আপত্তি আছে
আছে অনেক কেচ
আদালতলৈ যাবলৈ টকা নাই
সময়ো নাই ইমান
কেচ খেলি থাকিবলৈ,

মগজুৱে কাম নকৰা হৈছে
কি কৰো এতিয়া

হঠাতে গম পালো
ফেচবুকত লিখি দিলেই হ'ল
আপত্তি বা কেচ
লিখাৰো হেনো নিয়ম আছে
ৰহন হানি লিখিব জানিব লাগিব
আপত্তি /কেচটো মিছা হ'লেও টেনশ্বন নাই
গ্ৰহণ কৰা হয়
যিমান বেছি ৰহন বিজয়ৰ পক্ষ সিমান শতাংশই বেছি আপোনাৰ

জকাৰবাৰ্গ ডাঙৰীয়া 
আপোনাৰ ফেচবুকৰ জৰ্জ কোননো
আৰু ওকালতি কোনে কোনে কৰে জনাবচোন
মোৰ কেচবোৰ গ্ৰহণ কৰা হ'বনে?
ৰহন সানিব নাজানো কিন্তু..
অনুগ্ৰহ কৰি জনাবচোন দেই

আপুনি ইমান সুবিধা দিছে
দিনে নিশাই চৌবিশ ঘন্টাই আপোনাৰ আদালত খোলা থাকে
যিকোনো সময়তে কেচ গ্ৰহণ কৰে
আৰু বোলে আপোনাৰ ফেচবুক আদালতে 
টকা আৰু সময় খৰছ নকৰাকৈয়ে
আপোনাৰ জৰ্জ উকিলৰ সহায়ত সমাধান দিয়ে
এই সুবিধা ময়ো ল'ব বিচাৰো

মাথো আপোনাৰ ফেচবুকৰ জৰ্জ আৰু ওকালতি কোনে কৰে জনাবছোন

অনুৰোধ তোমালৈ         

                                  মঃৰাজ্জাক আলী

প্ৰকৃতাৰ্থত নিজক ভালপাব শিকক
শতাংশৰ এশৰ ভিতৰত এশভাগেই ভালপাওঁক জীৱনক
ভালপোৱাহীন নকৰিবা জীৱনক
তুমি ৰোগী
তুমি দৰিদ্ৰ
তোমাৰ ওপৰত আনৰ প্ৰৰোচনা
এইবোৰ লৈ অনুগ্ৰহ কৰি
জীৱনটোক নষ্ট নকৰিবা
জীৱনটোক অনুপমকৈ সজাবলৈ যত্ন

কৰা
বিশৃংখল নকৰিবা ইয়াক
অৱহেলা নকৰিবা ঘনাই প্ৰতি
ভালপোৱা মাথো ভালপোৱা জীৱনক
চৰম বিপৰ্যয়ো হাৰ মানিব ভালপোৱাৰ কাষত
আৰু এদিন সকলো সৌন্দৰ্যময়ী হ'ব
তোমাৰ জীৱনে ধৰণীৰ বাগিছাত
বহু কিছু দিয়ে
তুমি নজনাকৈয়ে
অনুৰোধ,
মূল্যৱান জীৱন
জীৱহীন নকৰিবা

অনুৰোধ আপোনালোকলৈ

জানো আপোনালোক বহু ব্যস্ত
নিজৰ জীৱনৰ মাজতে আবদ্ধ
আহৰি নাই আহৰি নাই
তথাপিও,
ব্যস্ততাৰ পৰা কণমান সময়
বন্ধুত্বৰ বাবে,আত্মীয়ৰ বাবে
সংৰক্ষিত কৰিবছোন
আপোনালোক কাৰোবাৰ নহয় কাৰোবাৰ
প্ৰিয় বন্ধু বা বান্ধৱী হওঁক
প্ৰিয় মানে সচাঁ প্ৰকৃত বন্ধু
জীৱনৰ ঘাট-প্ৰতিঘাট
সুখ-দুখ
আপোনাসৱে বিনিময় কৰিব পৰা পৰিবেশ দিয়ক
আপুনি বিশ্বাস জগাওঁক
তেওঁৰ জীৱনত প্ৰতিক্ষণে আপুনি আছে বুলি
বন্ধুত্বই বহু ধ্বংসলীলা হোৱাৰ পৰা ৰক্ষণাবেক্ষণ দিব পাৰে
সেই ক্ষমতা আছে বন্ধুত্বৰ
বন্ধু হিচাপে আপোনাৰ
আপুনি মাথো বন্ধুত্বৰ বাবে সময় দিলেই হ'ল
ব্যস্ততাৰ পৰা কণমান
অনুৰোধ মাথো ইমানেই.....

(বন্ধু-বান্ধৱ প্ৰিয়সকলক অকালতে চিৰদিনৰ বাবে হেৰুৱাই আমি দুখী হওঁ,
আমি নাজানো অনাগত দিনবোৰত এনেকৈ আৰু কিমান হেৰুৱাম।কিন্তু বন্ধুত্ব বোলা সম্পৰ্কটোৰ বাবে যদি প্ৰত্যোকে সময় দিওঁ,সুখৰ বতৰা নল'লেওঁ দুখৰ বতৰাবোৰ পাতো, হয়তো তেতিয়া আত্মহত্যাৰ দৰে ঘটনা বহুদূৰ হ্ৰাস পাব।জীয়াই থকাৰ সাহস হেৰুৱাৰ বাবেই এনে পথ বাছি লোৱা হয়। যদি আপুনি,তুমি,মই প্ৰিয়    বন্ধু বান্ধৱী হ'ব পাৰো, প্ৰয়োজনত জীয়াই থকাৰ সাহস প্ৰেৰণা যোগাব পাৰো ।তেন্তে নিজৰ জীৱন নিজে ধ্বংস কৰা অশুভ পৰম্পৰা বহুদূৰ হ্ৰাস হ'ব)