"অসমলৈ এদিন শান্তিৰ ন'বেল বটাঁ আহিব"

                                                               👉 মঃ ৰাজ্জাক আলী
                                                                      (মৰাণহাট)
অসমলৈ এদিন শান্তিৰ ন'বেল বটাঁ আহিব
কিমান যে আকৰ্ষণীয় হ'ব সেই দিন
ন'বেল কমিটিয়ে ঘোষণা কৰা সময়ৰ পৰা
অসমলৈ আহি পোৱা সময়লৈকে
মৌ মধুৰ হৈ পৰিব সকলো

অসমী আই দুচকুৰে অশ্ৰুৰে
ভৰি পৰিব
সন্তানে শান্তিৰ ন'বেল পোৱাৰ বাৰ্তা পাই,
সেই অশ্ৰু হ'ব
সুখৰ,গভীৰ আনন্দৰ


লোহিত-বৰাকৰ চৌদিশে
একতাৰ বতাহ বলিব
ব্যাপকভাৱে
বতাহজাকে পহৰাই দিব
খণ্ডতা,বিশৃংখলতা,অৰাজকতা
একাকাৰ হ'ব সকলো

নিউজ চেনেলবোৰত

   

উপভোগ কৰি ভাল লাগিব বহু
য'ত কেৱল মাথো শান্তিৰ ন'বেলৰ খবৰ প্ৰচাৰিত হ'ব
টক শ্ব হ'ব অসমলৈ অহা শান্তিৰ ন'বেলক  লৈ

অসমৰ আকাশে বতাহে
সৰ্বচৰ্চিত শব্দ দুটা হ'ব

শান্তি আৰু ন'বেল

কিমান যে লাগিব ভাল



বাহিৰৰ অৰ্থাৎ অসমৰ বাহিৰৰ
বহুতৰ মনত অসমক হাবি বুলি ভবা আৰু বহু কিবা কিবি ভবা
ধাৰণাবোৰত ধাক্কা লাগিব
সলনি হ'ব সকলো
অসমত যিদিনাখন ন'বেল বটাঁ আহি পাব
শান্তিৰ


অসমলৈ এদিন শান্তিৰ ন'বেল বটাঁ আহিব