"জীৱন বাটৰ প্ৰদূষণমুক্ত বাটৰুৱা"
       
                          👉ৰাজ্জাক আলী
                   
                     
       (এক)

জীৱনৰ বাট,
           মাতৃৰ গৰ্ভৰ পৰা
      ধৰালৈ প্ৰকাশিত হোৱা ক্ষণৰ পৰাই মুকলি

মা, জীৱন বাটৰ উদ্ধোধক
মা,জীৱন বাটৰ
       প্ৰদূষণমুক্ত বাটৰুৱাৰ
     প্ৰথম পথপ্ৰদৰ্শক

     (দুই)

আজি জীৱনৰ বাট
সচৰাচৰ বাটপথৰ দৰেই
য'তে ত'তে ধূলি বালি,খলা বমা আবৰ্জনা
যাৰ লক্ষ্য জীৱনবোৰক লেতেৰা কৰা

জীৱন বাটত যিয়ে
   সেইবোৰৰ পৰা সংৰক্ষিত হ'বলৈ সক্ষম
তেওঁ প্ৰদূষণমুক্ত বাটৰুৱাৰ শাৰীত.....


জীৱনৰ বাটচোৱাত
অচিন ঘূৰ্ণী বতাহজাকেও
অহৰহ চেষ্টা কৰে
মাজ বাটতে জীৱনবোৰক
নিজ ফলীয়া কৰা,
যি  বাছি আহিছে
জীৱন বাটৰ প্ৰদূষণমুক্ত বাটৰুৱা তেওঁ


জীৱনৰ বাটৰ পুৱা -দুপৰীয়াৰ মধ্যভাগত
দূষিতবোৰ লানি নিচিঙা হয়
চৌদিশে ...
উশাহ লোৱাটো সাৱধানতা লাগে
যি সচেতন
তেওঁৱেই জীৱন বাটৰ প্ৰদূষণমুক্ত বাটৰুৱা


নিকা সংকল্পৰ এনাজৰীৰে
খোজ দিয়া
যাত্ৰাপথত
এনাজৰীক টুকুৰা টুকুৰ কৰাৰ পৰিকল্পনা
পয়োভৰ প্ৰদৰ্শন
সহজতে সফল জীৱন উপহাৰ দিয়াৰ
যি পয়োভৰত প্ৰলুব্ধ হৈ
বহু জীৱনৰ এনাজৰীডাল
টুকুৰা-টুকুৰ হৈ পৰে
মূল সূতিঁৰ পৰা,
আৰম্ভ হয় অসৎ ,নেতিবাচক ধাৰা


জীৱন বাটৰ প্ৰদূষণমুক্ত বাটৰুৱাই
এনেবোৰৰ পৰা বহু নিলগত
বিচৰা সফলতা সম্পূৰ্ণকৈ পাওঁক বা নাপাওঁক
জীৱন পৰিচালনা কৰে ইতিবাচকেৰে প্ৰতিপলে..

সৃষ্টি -"প্ৰকৃত মানুহ ...সফল জীৱন..."