নেতিবাচক আৰু ইতিবাচক

নেতিবাচক আৰু ইতিবাচক:এক চমু আভাস
                                            👉ৰাজ্জাক আলী
                                                 (মৰাণহাট)

সততে কৰা নেতিবাচক চিন্তাধাৰাই মানুহ এগৰাকীক সুন্দৰ জীবনৰ বাটলৈ খোজ দিয়াত বাধা প্ৰদান কৰে,  বাধা প্ৰদান কৰে তেওঁৰ সংগত থকা আন বহুজনকো।

   হ'ব জানো?কৰিব জানো?শুনিব জানো?দিব জানো?পাম জানো?
 নহ'ব নেকি?নকৰিব নেকি?নুশুনিব নেকি?নিদিব নেকি?নাপাম নেকি?

এই 'জানো'আৰু 'নেকি' শব্দবোৰে বহু জীবন পিছুৱাই দিয়ে।এক নেতিবাচক চিন্তাধাৰাই সেইগৰাকীৰ লগতে আন বহুজনক আগৰ বাটবোৰ চাবলৈ সুবিধাই নিদিয়ে।

মানুহৰ ইতিবাচক চিন্তাই বহু কঠিন কাম সহজ কৰি দিয়ে তাৰ উদাহৰণ বোধকৰো নতুনকৈ দিয়াৰ প্ৰয়োজন নাই।

কাষৰত অহা বিষয় এটা বা কাম এটা প্ৰথমেই যদি নেতিবাচক দৃষ্টিভংগীৰে চোৱা হয় সেই কাম বা বিষয়ত অসফল হ'ব সেইটো প্ৰায় নিশ্চিত। কাৰণ সেই কৰ্ম বা বিষয়ৰ ওপৰত নেতিবাচকে গুৰুত্ব দিব নিদিয়ে।
ইতিবাচক দৃষ্টিৰে খোজ আগবঢ়ালে ,কৰ্মবোৰ ইতিবাচক মনেৰে সম্পাদন কৰি গ'লে সফলতা  জীবনৰ কাষত উপস্থিত হোৱাটো স্বাভাৱিক।

আপুনি যি লক্ষ্য পাবলৈ আগবাঢ়ি আছে সেইটো সম্পূৰ্ণকৈ নাপালেও যাত্ৰাপথত এনে এক সফলতা লাভ কৰিব যিটোৱে আপোনাৰ জীবন অনুপম কৰাত বহুদূৰ সহায় কৰিব।

আপুনি কোৱা এষাৰ ইতিবাচক কথাই কাৰোবাৰ জীবন বহু সফলতালৈ  লৈ যাব পাৰে আপুনি জানেনে?আপুনি সুখী নহ'বনে  জানি আপোনাৰ বাবে এটি জীবন সফল হৈছে ।

সেয়েহে ইতিবাচক ভাৱধাৰাত,চিন্তাধাৰাত থাকক প্ৰতিক্ষণে। ইতিবাচকে আপোনাৰ জীবনটো সফলতাৰ সেউজীয়াৰে পৰিপূৰ্ণ কৰাৰ লগতে আপোনাৰ কাষত থকা সকলকো সেউজীয়াৰ সফল বাটলৈ খোজ দিয়াত সহযোগ কৰিব।

নেতিবাচক বাৰ্তাৰে জীবনবোৰ নষ্ট নকৰিব।আপোনাৰ নেতিবাচক কথা শুনি বহুজনে বহু মূল্যৱান সময়,কৰ্ম আৰু অনুপম জীৱন লাভ কৰাৰ পৰা বঞ্চিত হ'ব পাৰে।

গতিকে আহক নেতিবাচকক খেদি ইতিবাচক দৃষ্টিভংগীক সংগী কৰি খোজ কাঢ়ো এই বিশাল মানৱ সমাজত।

      "তেজৰ ৰং ৰঙা"

                                                            ৰাজ্জাক আলী

                   ( এক)


ল'ৰালিত পাচোঁটি একেলগে মাৰ্বল গুটি ,লুকা ভাকু খেলি আনন্দত মতলীয়া

 হাতে হাত ধৰি লগেভাগে বিদ্যালয়লৈ ...

উটপাট কৰি ধৰা পৰাত

এটাই আনটোক বচাব গৈ পিটনবোৰ লগেভাগে খাই


 ধৰ্ম কি নাজানে সিহঁতে

 ধৰ্মৰ নামত ভেদাভেদৰ পৰা পৰিস্কাৰ সিহঁতৰ মনবোৰ

মাথো বন্ধুত্বৰ সুৱাহত বিলীত

কোনোৱা হিন্দু

কোনোবা মুছলমান

কোনোবা শিখ

কোনোবা জৈন

অথবা বৌদ্ধ

মতলৱ নাই সিহঁতৰ

মাথো জানে বন্ধু সিহঁত

ঘৰৰ চাৰিবেৰৰ পৰা

বিদ্যালয় বিশ্ববিদ্যালয়লৈকে
পিতৃ মাতৃ ,শিক্ষাগুৰুৰ পাঠদান

ভ্ৰাতৃত্ববোধ,ধৰ্মনিৰপেক্ষ, একতা অটুট ৰাখিবলৈ

জাতি এটাই

সেয়া মানৱ জাতি

ধৰ্ম এটাই

সেয়া মানৱীয়তা

মানৱীয়তা ডোলেৰে খোজ কাঢ়িছিল সিহঁত


           (  দুই)

তেনে একতা দেখি

আচৰিত শতৰু

শতৰুৰ লক্ষ্যবিন্দু হৈ পৰিল সেই একতা চাৰখাৰ কৰাত

 প্ৰতিদিনে বিভেদৰ ক'লা বিজাণু প্ৰক্ষেপ শতৰুৰ

বন্ধুবৰ লাহে লাহে আক্ৰান্ত সেই বিজাণুত

পৰিণতিত

সিহঁতে আজি ধৰ্মক প্ৰাধান্য দিয়া হ'ল

এটাই আনটো ধৰ্মক লৈ তিৰস্কাৰ

ক'ত হেৰাল বন্ধুত্ব

শ্ৰেষ্ঠ সম্পৰ্কৰ এনাজৰীডাল ইমানেই ফোপোলা আছিল নে তৎমুহূৰ্ততে

ভাঙি গ'ল একতা

ভাঙি গ'ল বন্ধুত্ব

জ্ঞানী হৈয়ো অজ্ঞানী হৈ পৰিল সিহঁত শতৰুৱে সুবিধা ললে

সিহঁতে সুবিধা দিলে

বন্ধু আজি শতৰু হ'ল


           (তিনি)

অকস্মাৎ এক দুৰ্ঘটনা আঘাতপ্ৰাপ্ত পাচোটি অতীত বন্ধু

ৰক্তাক্ত হ'ল দেহ

প্ৰতিজনৰে ৰঙা তেজবোৰ সিচঁৰি ঠাইডোখৰ ৰঙা ৰঙা হৈ পৰিল কোনোজনৰে অন্য ৰঙৰ তেজ নোলাল মাথো ৰঙা ৰঙৰ তেজ

দুৰ্ঘটনা দেখি উদ্ধাৰ কৰিব দৌৰি আহিল ভিন্ন ধৰ্মৰ মানুহ

মুছলমান উদ্ধাৰকাৰীজনে হিন্দুজনক

হিন্দুজনে মুছলমানজনক

শিখ এজনে বৌদ্ধজনক

বৌদ্ধ এজনে শিখজনক

আৰু নাস্তিক এজনে জৈনজনক উদ্ধাৰকৰি

প্ৰতিজনে প্ৰতিজনৰ মুখত পানী দি তৰাতৰিকৈ চিকিৎসালয়লৈ বুলি...


চিকিৎসালয়তে সিহঁতৰ ভুলবোৰ মনলৈ উজ্জ্বল হৈ বাজি উঠিল আত্মসমালোচনা প্ৰতিজনৰে


তোমালোকৰ একতাবোৰ চাই হিংসা কৰে

এজাক চকুচৰহাই

একতা ভঙাৰ জোৰদাৰ প্ৰচেষ্ঠাত প্ৰতিক্ষণে

সেইচামৰ সাবধান হোৱা আৰু

চকু কাণ নাক মুখ নিজৰ সু দায়িত্বত ৰাখিবা

 যাতে তোমালোকৰ ইন্দ্ৰিয় আনে দু:ব্যবহাৰ কৰাৰ সুযোগ নাপায়।।

                                         👉ৰাজ্জাক আলী

(তিনি বান্ধৱীৰ মাজত তৰ্ক যুদ্ধ
বিষয়- কোন শ্ৰেষ্ঠ?)

চিমি: মই বাঘৰ মুখত চুমা খাব পাৰো
আইনু:এইটো কি ডাঙৰ কথা, মই সিংহৰ মুখ ফালি দুচোৱা কৰিব পাৰো
বাবলি:থ থ তহঁতৰ কথা তহঁতৰ মাজত
মই এনাকণ্ডা এটাত দুহাতত ধৰি 10 টুকুৰা কৰি দিব পাৰো।
ৰাজু ৱে সিহঁতৰ কথাবোৰ শুনি আছিল।
ৰাজুক দেখি সিহঁতে সুধিলে -আমাৰ দু:সাহসিক কাৰ্যৰ কথা তইচোন শুনিলিয়ে..এতিয়া ক'চোন কোন শ্ৰেষ্ঠ?
ৰাজুৱে ক'লে - মোক প্ৰমাণ লাগে
ৰাজুৰ কথা শুনি তিনিও দৌৰি গৈ কাগজ কলম লৈ আহিল আৰু কিবা কিবি লিখাত লাগি গ'ল।
ৰাজুৱে সুধিলে:কি লিখিছ তহঁতি?
চিমিয়ে ক'লে- মই লিখিলো বাঘৰ মুখ আৰু এইয়া চুমা খাই দিলো
হ'ল ন বাঘৰ মুখত চুমা খোৱা।
আইনো- মই লিখিলো সিংহৰ মুখ আৰু এইয়া চা সমানে সমানে দুচোৱা কৰি দিলো ।
'ৰাজু মোৰ কথা শুন ' বাবলিয়ে ক'লে
- এইটো চা এনাকণ্ডা , লিখাৰ লগতে আঁকিও দিছো আৰু তোৰ সন্মুখতে দহ টুকুৰা কৰি দিছো চা।
এতিয়া ক কোন শ্ৰেষ্ঠ।
চিমি আৰু আইনুৱেও চিঞৰি উঠিল
অ ক ৰাজু কোন শ্ৰেষ্ঠ
ৰাজুৱে তিনিওজনীৰ ফালে চাই মূৰৰ চুলি খজুৱাই খজুৱাই ক'লে
:- ৰ মই কাগজ কলম লৈ আহো।
এইবুলি কৈ ৰাজু সিহঁতৰ মাজৰ পৰা পলাই পতং।

বহু দূৰণিত পোৱাৰ পিছত মুখৰ ভিতৰতে কলে "ওহ আজি বাছিলো আৰু দেই।

"আবেদন পত্ৰ" 

                                    👉ৰাজ্জাক আলী

প্ৰতি

কালৈ নাজানো

বিষয়- প্ৰতিদিনত সুন্দৰতা লাগে
সুন্দৰতাত মৰম ভালপোৱা লাগে
শান্তি লাগে
সুখৰ বাতাবৰণ লাগে

কি বুলি সন্মোধন কৰিম নাজানো।
আপোনাক জনাওঁ যে আমাক
বাটে ঘাটে টেলিভিচন ৰ পৰ্দাত বেয়া খবৰ নালাগে। অশান্তিপূৰ্ণ সমাজ নালাগে। বাতৰি কাকতত ভাল খবৰৰ প্ৰকাশ লাগে। জীৱন নষ্টৰ দৃশ্য নালাগে , জৰ্জৰিত ,বিশৃংখল, সন্ত্ৰাসী বতাহ নালাগে।
ভেদাভেদ নালাগে,শত্ৰুতা নালাগে ...
বন্ধুত্ব লাগে,আন্তৰিকতা লাগে ,আপোনত্ব লাগে।

লাগে
অনুপম ,ৰঙীল , হাহিঁৰ কিৰণে জিলিকণি মাৰি থকা জীৱন ।
লাগে
এক আটকধুনীয়া ধৰণী
য'ত প্ৰকৃত মানুহ থকাৰ সুবিধা পায়।

আশাকৰো আবেদন খন গ্ৰহণ কৰি আমাক কৃতাৰ্থ কৰে যেন।

                                     ইতি
                             সভ্য মানৱ সমাজ

তোমাক ভালপাওঁ

"তোমাক ভালপাওঁ"                             ।।।👉ৰাজ্জাক আলী

মোৰ মাতৃভূমি তোমাক ভালপাওঁ
তোমাৰ কেচাঁ মাটিত উমলি মই ডাঙৰ হলো
খোজ কাঢ়িব শিকিলো
এটি দুটিকৈ কথা পাতিব শিকিলো

তোমাক ভালপাওঁ 'মা'
তোমাৰ গৰ্ভৰ পৰাই মই আজিৰ পৃথিৱী.....
প্ৰতিগৰাকী মাতৃক ভালপাওঁ
মাতৃৰ বাবেই সন্তানে....
মাতৃৰ কাষত সন্তান চিৰঋণী

প্ৰতিগৰাকী সভ্য মানুহক ভালপাওঁ
যাৰ বাবে আজিৰ বিভীষিকাৰ মাজটো পৃথিৱী শুৱনী
যিয়ে অহৰহ চেষ্টা কৰে অশান্তি সন্ত্ৰাস নাশ কৰিবলে
সন্ধান কৰে শান্তি,বন্ধুত্ব ,ভ্ৰাতৃত্ববোধৰ...

প্ৰতিগৰাকী গায়ক-গায়িকাক ভালপাওঁ
যিসকলৰ গীতৰ পৰশে....
প্ৰতিগৰাকী কবিক ভালপাওঁ
যিসকলৰ কবিতাৰ স্পন্দই...

কিতাপ পঢ়ি ভালপাওঁ
যিবিলাক কিতাপে
জীবন বাটৰ খোজত...

কলম ভালপাওঁ
কলমে জীবনৰ বাটবোৰ প্ৰতিপলে
উন্নয়নৰ দিশে ..
কলমক ভালপাওঁ
কলমৰ নিপডালৰ পৰাই জন্মলাভ কৰে অগণণ ...

অগ্ৰজসকলক ভালপাওঁ
তেওঁলোকে দেখোৱাই দিয়ে জীবনক কেনেকৈ...

বন্ধুত্বক ভালপাওঁ
যাৰ মিঠা স্পৰ্শই দি যায় জীবন চিত্ৰত বহু ৰং...
বন্ধুত্বক ভালপাওঁ
জীবনত সাথঁৰ যেন লগা বহু কাম বন্ধুত্বৰ সাহসত...

প্ৰেম ভালপাওঁ
জীবন প্ৰেয়সীক ভালপাওঁ
প্ৰেম সৃষ্টিৰ আধাৰ
প্ৰেয়সীয়ে জীবনৰ কঠিনতাৰ সময়ত
জীবন বাটৰ দুৰ্যোগৰ সময়ত প্ৰতিটো ক্ষণতে প্ৰেৰণা দিয়ে,সাহস দিয়ে
প্ৰেমৰ মিঠা সুবাসে অসম্ভৱ কামো সম্ভৱ কৰে
প্ৰেম মোক ভাল লাগে

পৰিবেশ ভালপাওঁ
গছ-গছনি ভালপাওঁ
ফুল ভালপাওঁ
ফুলেৰে আবৃস্ত ফুলনি ভালপাওঁ
আকাশ ভালপাওঁ,
বৰষুণ ভালপাওঁ,
সূৰুজক ভালপাওঁ,
সূৰুজৰ ৰশ্মিক ভালপাওঁ,
জোনক ভালপাওঁ,
জোনাক ৰাতি ভালপাওঁ,
গ্ৰীষ্মক ভালপাওঁ,
শীত ভালপাওঁ

সেই পৃথিৱী তোমাক মই ভালপাওঁ 

কুইজ আৰু জীৱনৰ কিছু কথা

"কুইজ আৰু জীৱনৰ কিছু কথা"

                    👉ৰাজ্জাক আলী

ল'ৰালিৰ পৰাই প্ৰশ্নোত্তৰৰ খেল" কুইজ"ৰ প্ৰতি বেলেগ আগ্ৰহ গঢ় লৈ উঠিছিল । প্ৰাথমিক বিদ্যালয়ত থকাৰ পৰাই কুইজৰ লগত চা- চিনাকী হৈছিল।
ভাৰতৰ প্ৰথম ৰেলগাড়ী ক'ৰ পৰা কলৈ চলিছিল?
এয়া আছিল মই দ্বিতীয় শ্ৰেণীত পঢ়ি থাকোতে অংশগ্ৰহণ কৰা প্ৰথম কুইজৰ প্ৰথম প্ৰশ্ন।
তপৰাই উত্তৰ দিছিলো বোম্বাইৰ পৰা থানেলৈ বুলি।
লাহে লাহে বিদ্যালয়ৰ পৰা মৰাণ অঞ্চলৰ বিভিন্ন ঠাইত অনুষ্ঠিত হোৱা কুইজ প্ৰতিযোগিতাবিলা
কটো
অংশগ্ৰহণ কৰিবলৈ আৰম্ভ কৰিলো। তেনেদৰে প্ৰতিটোত পুৰস্কাৰ নাপালেও প্ৰায় ভাগতেই বিজয়ী হৈ কিতাপৰ টোপোলা আৰু মানপত্ৰ লাভ কৰিছিলো । ভাল লগা বতাহজাক সেই সময় বোৰত মনলৈ বাৰুকৈ বলিছিল।
এবাৰ গ্ৰীষ্মকালিন পাঠদান সামৰণি অনুষ্ঠান এখনত আয়োজন কৰা কুইজ প্ৰতিযোগিতাত অংশগ্ৰহণ কৰিছিলো। কুইজৰ জীৱনত সেইখনেই এনে এক কুইজ প্ৰতিযোগিতা আছিল য'ত আমাৰ দললৈ অহা প্ৰতিটো প্ৰশ্নৰ উত্তৰ শুদ্ধকৈ দিছিলো। বিৰাট ভাল লাগিছিল সেইদিনা ...কিন্তু দুখো লাগিছিল কিয়নো প্ৰথম স্থান দখল কৰিয়ো আজিপৰ্যন্ত পুৰস্কাৰ নাপালো।
এনেকে বিদ্যালয়ত পঢ়ি থাকোতে জিলা ভিত্তিত কুইজ প্ৰতিযোগিতাত অংশগ্ৰহণ কৰিবলৈ বিদ্যালয়ৰ হৈ সুবিধা লাভ কৰিছিলো। শিৱসাগৰ ,ডিব্ৰুগড়ৰ বিভিন্ন স্থানত কুইজত অংশগ্ৰহণ কৰিবলৈ আগবাঢ়িলো। প্ৰতিযোগিতাবোৰত অংশগ্ৰহণ কৰি জ্ঞান লাভৰ লগতে বিভিন্ন বিদ্যালয়ৰ কুইজাৰ্ড সকলৰ লগত বন্ধুত্ব স্থাপনৰ পৰম্পৰা গঢ়িবলৈ ধৰে নিজে নিজেই। জিলা ভিত্তিত প্ৰতিযোগিতা বোৰত কমকে হ'লেও পুৰস্কাৰ পাইছিলো।
সময় পাৰ হোৱাৰ লগে লগে অসম ভিত্তিত কুইজ প্ৰতিযোগিতাবোৰত অংশগ্ৰহণ কৰিবলৈ সাহস কৰিলো।
এক নতুন ধাৰাৰ আৰম্ভ হ'ল। কুইজৰ বৃহৎ পথাৰত খোজ পেলালো। ৰাজ্যখনৰ   ভিন্ন জিলাৰ বিভিন্ন প্ৰান্তত কুইজে লৈ গৈছিল ।
লগ পাবলৈ ধৰিলো অসমৰ বিভিন্ন প্ৰান্তৰ অগ্ৰজ বহু কুইজাৰ্ডক, বিভিন্ন বিজ্ঞ ব্যক্তিক। শদিয়াৰ পৰা ধুবুৰীলৈকে এটা বহু কুইজাৰ্ড বন্ধু হৈ পৰিল জীৱন বাটৰ ..কুইজে উপহাৰ দিলে বহু বন্ধুক। গঢ়ি উঠিল বন্ধুত্ব।
এদিন মৰাণৰ এজাক কুইজপ্ৰেমী একত্ৰিত হৈ মৰাণ কুইজ ক্লাৱ গঠন কৰিলো। কুইজাৰ্ডৰ পৰা কুইজ মাষ্টাৰ হৈ পৰিলো। কণ কণ শিক্ষাৰ্থীৰ লৈ কুইজ প্ৰতিযোগিতাৰ পৰা সদৌ অসম ভিত্তিত কুইজ প্ৰতিযোগিতা পৰিচালনা কৰিব ধৰিলো।
এবাৰ
বিদ্যালয় পয্যায়ৰ কুইজ প্ৰতিযোগিতা এখন পৰিচালনা কৰিব গৈ দুগৰাকী বাইদেউক লগ পাইছিলো ।তেওঁলোকৰ আত্মীয়তাই আপ্লুত কৰিছিল বাৰুকৈ। কুইজেই এক মূল্যৱান উপহাৰ আগবঢ়াইছিল জীৱনলৈ ।পৰবৰ্তি সময়ছোৱাত খোজে প্ৰতি প্ৰেৰণাৰ আৰ্শীবাদ হৈ পৰিছিল তেওঁলোক। আপোনত্বৰ সেউজীয়া ৰঙে ৰঙীল কৰিছিল জীৱন। আজিৰ সময়ত তেনে ব্যক্তিত্বৰ সংখ্যা সামান্য। বহু কথা লিখি শেষ কৰিব নোৱাৰি কিন্তু কুইজৰ পচোৱাৰ পৰাই কাষৰত পাইছো অনেক মূল্যৱান......
হয়টো কুইজৰ লগত জড়িত নাথাকিলে বহুবোৰৰ পৰাই বঞ্চিত হলোহেতেঁন।


মৰাণ কুইজ ক্লাৱৰ অগ্ৰজ সকলৰ সানিধ্যই অনুপ্ৰাণিত কৰি আহিছে
এজাক অগ্ৰজৰ সুগন্ধি সহযোগ পাই জীৱনটো আগবঢ়াই নিয়াত সুবিধা হৈছে।

ধন্যবাদ কুইজ।

কুইজে মঞ্চ দিছে
কুইজে সন্মান দি আহিছে
কুইজে অপাৰ জ্ঞান লাভ কৰাত সহযোগ কৰি আহিছে
কুইজে আত্মীয়তাৰ সুবাস দিছে
কুইজে বন্ধুত্ব দিছে
কুইজে ব্যক্তিত্ব গঠনত সহযোগ কৰিছে
পুনৰ ধন্যবাদ কুইজ